ბატლიოს სახლი ბარსელონას ერთ-ერთი ცნობილი ღირსშესანიშნაობაა. იგი ქალაქის ცენტრში მდებარეობს. ბატლიოს სახლი ცნობილი არქიტექტორის, ანტონიო გაუდის მიერ დაპროექტდა 1904 წელს, თუმცა ძველი შენობის რეკონსტრუქცია სულ ახლახანს დაიწყო მისი პროექტით. ბატლიოს სახლი იუნესკოს ძეგლთა სიას 2005 წელს მიუერთდა.
ბატლიოს სახლი, ისევე როგორც გაუდის სხვა პროექტები, მოდერნისტული არქიტექტურული სტილით გამოირჩევა. ბატლიოს სახლი “ძვლების სახლადაც” იწოდება მისი ორგანული არქიტექტურული სტილის გამო. ამ სახლსაც ჰქონდა თავისი დიდი კრიტიკა ადგილობრივების მხრიდან. კატალონიის მოსახლეობა ტრადიციული შენობების გვერდით გაუდის მოდერნისტულ სტილს იწუნებდა. დროდადრო კი გაუდის პროექტებმა სახელი გაითქვა მსოფლიო მასშტაბით და დღეს ბარსელონას ცნობილ ღირსშესანიშნაობებადაა დასახელებული. ამ ბლოგში შემოგთავაზებთ ტექნიკური სახის ინფორმაციას ბატლიოს სახლში ვიზიტის მსურველებს.
