თბილისის აეროპორტი -ს გამგზავრების დარბაზში თვითრეგისტრაციის აპარატები განთავსდა. მსოფლიოში ცნობილი ფრანგული ბრენდის, EASIER-ის მიერ წარმოებული ჯიხურები მგზავრებს საშუალებას მისცემს, თავად დარეგისტრირდნენ რეისზე, აირჩიონ ადგილი და დაბეჭდონ ჩასხდომის ბარათი, გამგზავრებამდე რამდენიმე საათით ადრე – ინფორმაციას აეროპორტების მმართველი კომპანია, TAV Georgia ავრცელებს.
პირველ ეტაპზე აეროპორტში 2 თვითრეგისტრაციის აპარატი ფუნქციონირებს, რომლითაც სარგებლობა ჯერ მხოლოდ ორი ავიაკომპანიის – LOT და Qatar Airways -ის მგზავრებს შეეძლებათ. თუმცა, ეტაპობრივად გაიზრდება იმ ავიაკომპანიების რიცხვი, რომელთა რეისებზე რეგისტრაციას მგზავრები დამოუკიდებლად შეძლებენ.
ეს შესანიშნავი სიახლეა მათთვის, ვინც თბილისის აეროპორტიდან დაფრინავს, რადგან აღნიშნული აპარატები პრაქტიკული და ადვილად გამოსაყენებელი მოწყობილობებია. მათი დახმარებით მგზავრებს შეუძლიათ დაზოგონ დრო და თავიდან აიცილონ გრძელი რიგები.
