თბილისის საერთაშორისო აეროპორტს ყაზახეთის კიდევ ერთი სტრატეგიული მიმართულება დაემატა. ყაზახურმა ავიაკომპანია Scat Airlines-მა შიმქენთსა და თბილისს შორის რეგულარული ოპერირება დაიწყო. 15 დეკემბერს შესრულებულმა პირველმა რეისმა მგზავრები Boeing 737 ტიპის ავიალაინერით ჩამოიყვანა.
აღნიშნული სიახლე მნიშვნელოვნად ამარტივებს გადაადგილებას საქართველოსა და ყაზახეთს შორის, რაც ტურისტებსა და ბიზნეს ვიზიტორებს ახალ შესაძლებლობებს სთავაზობს.
ფრენის განრიგი და დეტალები
ახალი საჰაერო ხაზი რეგულარულ ხასიათს ატარებს და კვირაში ორი სიხშირით შესრულდება. მგზავრებს ავიაბილეთები შემდეგი განრიგის მიხედვით შეუძლიათ დაჯავშნონ:
- ორშაბათი
- პარასკევი
თბილისისა და ბათუმის აეროპორტების მმართველმა კომპანიამ, “ტავ ჯორჯიამ”, საინაუგურაციო რეისს აეროპორტში სპეციალური ღონისძიებით უმასპინძლა, რითაც ორ ქვეყანას შორის საჰაერო მიმოსვლის გაღრმავება აღნიშნა.
5 მიმართულება ყაზახეთიდან
შიმქენთი რიგით მეხუთე ქალაქია ყაზახეთში, საიდანაც თბილისის მიმართულებით პირდაპირი ფრენები სრულდება. საქართველოს მთავარი აეროპორტიდან რეისები უკვე ხორციელდება შემდეგ ქალაქებში:
- ალმათი
- ასტანა
- ატირაუ
- აქთაუ
Scat Airlines საქართველოს ავიაბაზარზე აქტიურად ოპერირებს. გარდა ახალი მიმართულებისა, ავიაკომპანია თბილისიდან აქთაუს მიმართულებით კვირაში 3-ჯერ (Boeing 737 და CRJ-12 ხომალდებით) დაფრინავს, ასევე რეისებს ასრულებს ბათუმის საერთაშორისო აეროპორტიდანაც.
რატომ შიმქენთი?
შიმქენთი ყაზახეთის ერთ-ერთი უმსხვილესი და სწრაფად განვითარებადი ქალაქია. ის ქვეყნის სამხრეთ ნაწილში, უზბეკეთის საზღვართან მდებარეობს და მნიშვნელოვან ინდუსტრიულ, სავაჭრო და კულტურულ ცენტრს წარმოადგენს. ამავდროულად, შიმქენთის საერთაშორისო აეროპორტი Scat Airlines-ის მთავარი ჰაბია, საიდანაც კომპანია 60-მდე მიმართულებით დაფრინავს.
თუ გეგმავთ მგზავრობას ყაზახეთის ამ ისტორიულ და დინამიკურ ქალაქში, სასურველია ავიაბილეთები წინასწარ შეიძინოთ, რათა ისარგებლოთ საუკეთესო ფასებით.
Avia.ge – 8 წელი თქვენს სამსახურში! საიმედო პარტნიორი მოგზაურობაში.
დაგვირეკე: 551 907 907
