2024 წელს ქუთაისის აეროპორტი 2 მილიონამდე მგზავრის მიღებას პროგნოზირებს. როგორც აეროპორტების გაერთიანების ხელმძღვანელი ირაკლი ქარქაშაძე სოციალურ ქსელში წერს, წელს უნდა აშენდეს თელავის ახალი აეროპორტი. ამასთან, უნდა დაიწყოს თბილისის ახალი საერთაშორისო აეროპორტის მშენებლობა.
„ევროპაში, აქვთ ტრადიცია, წინასწარ ჩაიფიქრონ ან დაწერონ რისი მიღწევაც სურთ. მეც გადავწყვიტე წინასწარ გავწერო 2024 წლის ბოლომდე თუ რა უნდა გაკეთდეს.
გასული წელი, საქართველოს აეროპორტების გაერთიანებისთვის ისტორიული წელი აღმოჩნდა. მხოლოდ ქუთაისის აეროპორტმა 1 700 000 მგზავრს უმასპინძლა. შესაბამისად 2024-ში 2 მილიონამდე უნდა ავიდეთ. წელს, ასევე უნდა ავაშენოთ თელავის ახალი აეროპორტი.
საქართველო უნდა გახდეს რეგიონის საავიაციო ჰაბი!“, – წერს სოციალურ ქსელში ირაკლი ქარქაშაძე.
აღსანიშნავია, რომ 2024 წელს, ქუთაისის აეროპორტში უკვე განხორცილედა ერთ-ერთი მნიშვნელოვანი პროექტი, რომლის შედეგადაც, აეროპორტს დამატებით 500 ავტომანქანაზე გათვლისი საპარკინგე ზონა შეემატა. ამასთან, დაპროექტდა და მოეწყო საავტომობილო გზები, საპარკინგე სისტემა და საფეხმავლო ბილიკები. თვის ბოლომდე კი სრულად მოეწყობა ტერიტორიის განათების სისტემა.
ფრენები ქუთაისის საერთაშორისო აეროპორტიდან
| მიმართულება | გამგზავრების თარიღი | დაბრუნების თარიღი | ავიაკომპანიის ლოგო | ავიაბილეთების მოძებნა |
|---|---|---|---|---|
| ალმათი | 25 ნოემბერი 2026 | 29 ნოემბერი 2026 |  | ავიაბილეთები 629 -დან |
| ათენი | 14 დეკემბერი 2026 | 18 დეკემბერი 2026 |  | ავიაბილეთები 230 -დან |
| ბარსელონა | 3 თებერვალი 2027 | 10 თებერვალი 2027 | | ავიაბილეთები 384 -დან |
| ბერლინი | 18 თებერვალი 2027 | 25 თებერვალი 2027 | | ავიაბილეთები 378 -დან |
| ბრიუსელი | 21 თებერვალი 2027 | 28 თებერვალი 2027 | | ავიაბილეთები 298 -დან |
| ბრატისლავა | 13 მაისი 2027 | 20 მაისი 2027 | | ავიაბილეთები 284 -დან |
| ბუდაპეშტი | 30 იანვარი 2027 | 2 თებერვალი 2027 | | ავიაბილეთები 283 -დან |
| დორტმუნდი | 23 იანვარი 2027 | 30 იანვარი 2027 | | ავიაბილეთები 322 -დან |
| მემინგენი | 18 იანვარი 2027 | 25 იანვარი 2027 | | ავიაბილეთები 315 -დან |
| ფრანკფურტი | 10 ნოემბერი 2026 | 17 ნოემბერი 2026 | | ავიაბილეთები 548 -დან |
შეგახსენებთ, რომ თბილისის საერთაშორისო აეროპორტი 2023 წელს 3 694 205 მგზავრს მოემსახურა . ბათუმის საერთაშორისო აეროპორტი კი 621 610 მგზავრს. აღნიშნული მაჩვენებლები კი 2022 წელთან შედარებით კარგი შედეგია.
