ქუთაისის საერთაშორისო აეროპორტში მგზავრთნაკადი მიმდინარე წლის ოქტომბერში, გასული წლის ანალოგიურ პერიოდთან შედარებით, 415 %–ით გაიზარდა. საქართველოს აეროპორტების გაერთიანების ინფორმაციით, ოქტომბრის თვეში კოპიტნარის აეროპორტით 164,176 მგზავრმა ისარგებლა. (2022 წლის ოქტომბერშიი – 31,898 მგზავრმა).
მგზავრთნაკადის გარდა, მნიშვნელოვნად გაიზარდა აეროპორტიდან განხორციელებული ავიარეისების რაოდენობაც და 325 %-ს მიაღწია. აეროპორტი ოქტომბერში 472 რეისს მოემსახურა. (2022 წლის ოქტომბერში კი – 111 რეისს).
რაც შეეხება 2023 წლის იანვარ-ოქტომბრის მონაცემებს, ამ პერიოდში ქუთაისის აეროპორტი მგზავრთა რეკორდულ რაოდენობას მოემსახურა. 10 თვის ჭრილში დავით აღმაშენებლის სახელობის აეროპორტმი 1,380,548 მგზავრს მოემსახურა. რაც, გასული წლის ანალოგიურ პერიოდს 107 %-ით აღემატება.
პირდაპირი ფრენები ქუთაისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| ალმაატა | 8 ოქტომბერი 2026 | 15 ოქტომბერი 2026 |  | ავიაბილეთები 696 -დან |
| ათენი | 18 იანვარი 2027 | 22 იანვარი 2027 |  | ავიაბილეთები 236 -დან |
| ბარსელონა | 28 აპრილი 2026 | 30 აპრილი 2026 | | ავიაბილეთები 487 -დან |
| ბერლინი | 10 მაისი 2026 | 20 მაისი 2026 | | ავიაბილეთები 533 -დან |
| ბრიუსელი | 11 მარტი 2027 | 14 მარტი 2027 | | ავიაბილეთები 321 -დან |
| ბრატისლავა | 5 იანვარი 2027 | 12 იანვარი 2027 | | ავიაბილეთები 218 -დან |
| ბუდაპეშტი | 27 მაისი 2026 | 30 მაისი 2026 | | ავიაბილეთები 278 -დან |
| დორტმუნდი | 2 მაისი 2026 | 5 მაისი 2026 | | ავიაბილეთები 443 -დან |
| მემინგენი | 20 მაისი 2026 | 17 ივნისი 2026 | | ავიაბილეთები 253 -დან |
| ფრანკფურტი | 25 მაისი 2026 | 5 ივნისი 2026 | | ავიაბილეთები 244 -დან |
ისტორიულია 10 თვეში განხორციელებული რეისების რაოდენობაც. დავით აღმაშენებლის სახელობის საერთაშორისო აეროპორტი იანვარ-ოქტომბერში 4,087რეისს მოემსახურა, რაც 2022 წლის ანალოგიურ პერიოდთან შედარებით 55 %-ით მეტია.
შეგახსენებთ, რომ 2023 წლის დეკემბრიდან ქუთაისის აეროპორტს wizz air ge -ის მეოთხე ბაზირებული ხომალდი და კოპენჰაგენის მიმართულება დაემატება.
საქართველოს აეროპორტების გაერთიანების ინფორმაციით, დღეისათვის, ქუთაისის საერთაშორისო აეროპორტიდან 5 ავიაკომპანია, 18 ქვეყნის 35 მიმართულებით ოპერირებს.
