საქართველოს პრემიერ-მინისტრმა ეკონომიკისა და მდგრადი განვითარების მინისტრთან ერთად ქუთაისის საერთაშორისო აეროპორტში მიმდინარე და დაგეგმილი ინფრასტრუქტურული პროექტები დაათვალიერა. მთავრობის მეთაურმა ინფორმაცია უშუალოდ საქართველოს აეროპორტების გაერთიანების ხელმძღვანელებისგან – სამეთვალყურეო საბჭოს თავმჯდომარე თამარ იოსელიანისა და გენერალური დირექტორ ლევან მოსეშვილისგან მიიღო.
აეროპორტების გაერთიანების სამეთვალყურეო საბჭოს თავმჯდომარის, თამარ იოსელიანის განცხადებით, ქუთაისის აეროპორტი -ში ფართომასშტაბიანი ინფრასტრუქტურული სამუშაოები მიმდინარეობს. კერძოდ, შენდება ახალი, F კატეგორიის ტიპის საჰაერო ხომალდებისთვის განკუთვნილი ასაფრენ-დასაფრენი ზოლი, რაც საქართველოში პირველად მოხდება. ამ სამუშაოების დაწყება 2024 წელს მოხდა, ხოლო დასრულება 2026 წლის ზაფხულისთვის იგეგმება.
პირდაპირი ფრენები ქუთაისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| ალმაატა | 8 ოქტომბერი 2026 | 15 ოქტომბერი 2026 |  | ავიაბილეთები 594 -დან |
| ათენი | 18 ნოემბერი 2026 | 25 ნოემბერი 2026 |  | ავიაბილეთები 267 -დან |
| ბარსელონა | 7 დეკემბერი 2026 | 11 დეკემბერი 2026 | | ავიაბილეთები 465 -დან |
| ბერლინი | 27 თებერვალი 2027 | 6 მარტი 2027 | | ავიაბილეთები 342 -დან |
| ბრიუსელი | 1 ოქტომბერი 2026 | 11 ოქტომბერი 2026 | | ავიაბილეთები 551 -დან |
| ბრატისლავა | 19 ნოემბერი 2026 | 26 ნოემბერი 2026 | | ავიაბილეთები 259 -დან |
თამარ იოსელიანმა ასევე ისაუბრა აეროპორტის მგზავრზე ორიენტირებულ მიდგომაზე და აღნიშნა, რომ დაინერგა რამდენიმე მნიშვნელოვანი ელექტრონული სერვისი:
- ახალი ელექტრონული გეითები მოფრენის დარბაზში: ამ სერვისის დანერგვით საქართველოს მოქალაქეებისთვის რიგში ლოდინის დრო 40 წამიდან 18 წამამდე შემცირდა. ამიერიდან, საზღვრის გადაკვეთა პირადობის მოწმობით ან პასპორტით 18 წამშია შესაძლებელი.
- self-check-in-ისა და ბარგის უკონტაქტოდ ჩაბარების სერვისები.
- საავიაციო უსაფრთხოების გაუმჯობესება: დამონტაჟდა ახალი სკანერები, რამაც მინიმუმამდე შეამცირა სტერილურ ზონაში საფრთხის შემცველი ნივთიერებების შეტანის რისკი.
აეროპორტების გაერთიანება მომავალშიც განაგრძობს მაღალ ტექნოლოგიებსა და თანამედროვე სერვისებზე ორიენტირებული მომსახურების დანერგვას, რათა ქუთაისის საერთაშორისო აეროპორტში მგზავრებისა და საჰაერო ხომალდების მომსახურება კიდევ უფრო გაუმჯობესდეს.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
