ქართული ავიაკომპანია Georgian Airways -ი ახალ ევროპულ მიმართულებას ამატებს. ფრენები 5 ივლისიდან თბილისი – ნიცა -თბილისის მიმართულებით კვირაში 2 სიხშირით ყოველ ოთხშაბათს და შაბათს შემოგვთავაზებს.
ნიცას მიმართულებით თბილისის აეროპორტიდან ტრანზიტულ რეისებს არაერთი ავიაკომპანია ასრულებს, მათ შორისაა Aegean Airlines, Lufthansa, LOT Polish Airlines, Airbaltic და სხვ. ორმხრივი ავიაბილეთების ფასი კი 600 ლარიდან იწყება.
საფრანგეთის ეს ულამაზესი ქალაქი, რომელიც ხმელთაშუა ზღვის სანაპიროზე მდებარეობს, ყოველწლიურად უამრავ ტურისტს იზიდავს. ასე რომ, არ გაუშვათ შანსი ხელიდან და თუ ჯერ არ წვევიხართ ამ მშვენიერ მხარეს, დაჯავშნეთ ავიაბილეთები საუკეთესო ფასად და ისიამოვნეთ თქვენი მოგზაურობით.
