ფრანკპურტის აეროპორტის წარმომადგენლები საკუთარი ინფრასტრუქტურის ერთმანეთთან დასაკავშირებელ ორიგინალურ ხერხებს ეძებენ. მათი უახლესი იდეა მომავლის იდეას ეფუძნება და საჰაერო ტაქსების შექმნას ითვალისწინებს.
როგორც ჩანს ფრანკპურტის აეროპორტში მოხვედრილი ტურისტები ყველაზე ინოვაციურ სიახლეს პირველები გამოცდიან საკუთარ თავზე. ცნობილი აეროპორტის ხელმძღვანელობამ უკვე დაიწყო თანამშრომლობა კომპანია Volocopter-თან. მათი შეთანხმება ითვალისწინებს ისეთი საჰაერო ტრანსპორტის შექმნას, რომელიც ფრანკპურტის აეროპორტში მოხვედრას გაადვილებს.
უახლოეს მომავალში Volocopter-ის თანამშრომლებმა შესაძლოა უკვე არსებული ურბანული ტრანსპორტირების საშუალებების გზები ცნობილი აეროპორტის ინფრასტრუქტურასთან სრულიად ახლებული, საჰაერო ხერხებით დააკავშირონ.
„ ქალაქის ცენტრსა და აეროპორტს შორის იდეალური დამაკავშირებელი გზის არსებობა უდიდეს გამოწვევას წარმოადგენს მსოფლიოს უდიდესი ქალაქებისთვის. ფრანკპურტის აეროპორტთან ერთად ჩვენ მოხარულები ვართ ვიყოთ პიონერები და დავნერგოთ პირველი საჰაერო ტაქსის სერვისი ევროპის ერთ–ერთ ყველაზე მნიშვნელოვან აეროპორტში“ – განაცხადა Volocopter-ის აღმასრულებელმა დირექტორმა.
აღნიშნული კომპანიის ხელმძღვანელის თქმით, Volocopter მზადაა გაიზიაროს ფრანკპურტის აეროპორტის საკმაოდ დიდი და მდიდარი გამოცდილება და მისი დახმარებით უსაფრთხოდ დანერგოს მის ინფრასტრუქტურაში მოცემული პროექტისთვის საჭირო კომპლექსური სერვისები.
ფრანკპურტის აეროპორტს მართლაც საკმაოდ დიდი გამოცდილება გააჩნია სახმელეთო და საჰაერო ოპერაციების წარმოების მხრივ, ასევე მგზავრების გადაადგილებისა და ტერმინალების მართვაშიც. აღნიშნული კომპლექსის წარმომადგენლებს ასევე უპილოტო მფრინავი ობიექტების სფეროშიც აქვთ საკმაოდ ხარისხიანი ცოდნა მიღებული. პროექტი FraDrones–ის ფარგლებში, ფრანკპურტში უკვე დიდი ხანია ახდენენ დრონების ტესტირებას სხვადასხვა საოპერაციო სცენარებში მონაწილეობაში.
Volocopter–მა უკვე დაამტკიცა, რომ მათი დრონები, რომელთა ძრავიც ელექტროენერგიით იკვებება, წარმატებით გამოდგება საცხოვრებელ უბნებში გადაადგილებისათვის. აღნიშნულ ტექნიკას 2 ადამიანის გადაყვანის შესაძლებლობა აქვს და ეკოლოგიურად სუფთა მუშაობის პროცესისა და თითქმის უხმოდ გადაადგილების შესაძლებლობის გამო საცხოვრებელ ტერიტორიაზე გადაადგილებისთვის საჭირო მოთხოვნებს აკმაყოფილებს.
ფრანკპურტის აეროპორტი გერმანიის ყველაზე მნიშვნელოვან საავიაციო ბაზას წარმოადგენს, რომელმაც გასულ წელს 70 მილიონამდე მგზავრს უმასპინძლა. მისი ინფრასტრუქტურა ყველაზე ინოვაციურ და კომფორტულ სერვისებს სთავაზობს სტუმრებს და მის წარმომადგენლებს სურს ასევე მოწინავენი იყვნენ საჰაერო ტაქსების განვითარებისა და დანერგვის პროექტშიც.
თბილისი ფრანკპურტი
| გამგზავრება | დაბრუნება | გაჩერება | ავიაკომპანია | ბილეთების პოვნა |
|---|---|---|---|---|
| 13 ივნისი 2025 | 14 ივნისი 2025 | 1 Გაჩერება |  | ავიაბილეთები 898 -დან |
| 21 ივლისი 2025 | 5 აგვისტო 2025 | 1 Გაჩერება |  | ავიაბილეთები 883 -დან |
| 18 აგვისტო 2025 | 25 აგვისტო 2025 | 2 Გაჩერება | | ავიაბილეთები 1 115 -დან |
| 3 სექტემბერი 2025 | 5 სექტემბერი 2025 | 2 Გაჩერება |  | ავიაბილეთები 1 151 -დან |
| 3 ოქტომბერი 2025 | 18 ოქტომბერი 2025 | 1 Გაჩერება | | ავიაბილეთები 877 -დან |
