2024 წლის ივნისიდან, ქუთაისის აეროპორტში ოპერირებას საერთაშორისო ბრენდი Europcar დაიწყებს. ფრანგული Europcar -ი ქუთაისის საერთაშორისო აეროპორტი -სთვის მესამე საერთაშორისო კომპანია იქნება, რომელიც მგზავრებს მანქანის გაქირავების სერვისს შესთავაზებს. კომპანია ქუთაისის აეროპორტში უახლესი, პრემიუმ კლასის ავტომობილებით იქნება წარმოდგენილი. კომპანიის სერვისით სარგებლობა, მგზავრებს ჩამოფრენის დარბაზში შეეძლებათ, სადაც იქნება განთავსებული Europcar kutaisi -ს ოფისი.
ავტოპარკი დაკომლექტებულია უახლესი, როგორც სედანის ტიპის, ისე მაღალი გამავლობის სხვადასხვა ბრენდისა და მოდელის ავტომობილით. ავტომობილების დაჯავშნა აეროპორტის მგზავრებს შეეძლებათ ადგილზეც და კომპანიის ვებგვერდის საშუალებითაც.
პირდაპირი ფრენები ქუთაისიდან
| Destination | Departure at | Return at | Airline | Find tickets |
|---|---|---|---|---|
| Almaty | 4 November 2026 | 11 November 2026 |  | ავიაბილეთები 632 -დან |
| Athens | 16 November 2026 | 22 November 2026 |  | ავიაბილეთები 229 -დან |
| Barcelona | 7 December 2026 | 11 December 2026 | | ავიაბილეთები 412 -დან |
| Berlin | 5 December 2026 | 8 December 2026 | | ავიაბილეთები 340 -დან |
| Brussels | 24 November 2026 | 3 December 2026 | | ავიაბილეთები 243 -დან |
| Bratislava | 5 November 2026 | 3 December 2026 | | ავიაბილეთები 281 -დან |
,,ჩვენ მუდმივად ვმუშაობთ, რომ მგზავრებს მრავალფეროვანი სერვისი შევთავაზოთ. ხელი შევუწყოთ, როგორც საერთაშორისო ბრენდების შემოყვანას, ისე ქართული კომპანიების წარმოჩენას. მანქანის გაქირავების კუთხით, კიდევ ერთი საერთაშორისო ბრენდის შემოსვლა ჩვენს აეროპორტში, ხაზს უსვამს, რომ ქუთაისის აეროპორტის მიმართ ბიზნესი ინტერესი მაღალია, გარემო კი საკმაოდ კონკურენტუნარიანი,-‘’ აცხადებს საქართველოს აეროპორტების გაერთიანების გენერალური დირექტორი ირაკლი ქარქაშაძე.
Europcar georgia საფრანგეთში დაარსებული Europcar Internationally -ის ექსკლუზიური წარმომადგენელია საქართველოში, რომელიც 3 ტიპის სერვისს შემოგვთავაზებს: დღიური გაქირავება, სატრანსპორტო მომსახურება და საოპერაციო ლიზინგი. წარმოდგენილი იქნება როგორც ეკონომიური, ისე პრემიუმ კლასის მოდელები, ასევე ექნება ელექტრომობილების ფართო არჩევანი.
