დიდი ბრიტანეთის აეროპორტებში 2024 წლის ივნისიდან თვითმფრინავით სითხეების ტრანსპორტირების წესების შემსუბუქება საჰაერო ტრანსპორტის საერთაშორისო ასოციაციამ (IATA) დააანონსა, რაც ნიშნავს იმას, რომ მგზავრებს ხელბარგით შეეძლებათ ორ ლიტრამდე მოცულობის სითხის, გელებისა და აეროზოლების გადატანა კონტეინერებით.
უსაფრთხოების სამსახურის ნებართვით, მოგზაურებს ასევე აღარ დასჭირდებათ კონტეინერების ტარება გამჭვირვალე ჩანთებით. გარდა ამისა, სამომავლოდ საჭირო აღარ იქნება ლეპტოპებისა და სხვა აღჭურვილობის ხელბარგიდან ამოღება, რადგან დიდ აეროპორტებს მოეთხოვებათ ახალი ტექნოლოგიის დაყენება, რომელიც უსაფრთხოების პერსონალს აძლევს უფრო დეტალურ სურათებს მგზავრთა ჩანთებზე.
ახალი რეგულაციების თანახმად, ბარგისა და ხელბარგის სკრინინგის ყველაზე თანამედროვე მეთოდების შესაბამისად მგზავრები „100 მლ-ის წესისგან“ განთავისუფლდებიან.
უსაფრთხოების ნორმებიდან გამომდინარე, დღეისათვის მგზავრებს შეუძლიათ გადაიტანონ არაუმეტეს 100 მილილიტრი სითხე გამჭვირვალე კონტეინერით.
თბილისის საერთაშორისო აეროპორტი -დან დიდი ბრიტანეთის მიმართულებით, კერძოდ კი ლონდონის მიმართულებით ტრანზიტულ რეისებს არაერთი ავიაკომპანია გვთავაზობს, მათ შორისაა თუქრული ავიაკომპანია, თურქეთის ავიახაზები -ს შვილობილი ავიაკომპანია AnadoluJet Airlines -ი, LOT – Polish Airlines -ი, Lufthansa და სხვ.
