აშშ-ის მწვანე ბარათის გათამაშებამდე ცოტა დრო რჩება

აშშ-ის მწვანე ბარათის გათამაშება რამდენიმე დღეში დაიწყება. მწვანე ბარათი პროგრამა, საყოველთაოდ ცნობილი, როგორც მრავალფეროვნების საიმიგრაციო ვიზა პროგრამა (DV), ამერიკის შეერთებული შტატების სახელმწიფო დეპარტამენტის მიერ იმართება და ყოველწლიურად 55.000-მდე საიმიგრაციო ვიზის გაცემას უზრუნველყოფს.

როდის იწყება და სრულდება განცხადებების მიღება მწვანე ბარათზე ?

განცხადებების მიღება 2024 წლის 5 ოქტომბრის 20:00 საათიდან (თბილისის დროით) იწყება და 2022 წლის 8 ნოემბრის 20:00 საათამდე (თბილისის დროით) გრძელდება, ხოლო შედეგები კი 2025 წლის მაისში გამოცხადდება.

საყურადღებოა: კანონონმდებლობის თანახმად, თითოეულ განმცხადებელს მხოლოდ 1 განაცხადის შეტანა შეუძლია. განმცხადებელი, რომლებსაც ერთზე მეტი განაცხადი ექნება შეტანილი, ავტომატურ დისკვალიფიკაციას ევემდებარება.

რა არის ძირითადი მოთხოვნები მწვანე ბარათის გათამაშებისთვის?

მწვანე ბარათის გათამაშებისთვის განმცხადებელი უნდა აკმაყოფილებდეს შემდეგ ძირითად მოთხოვნებს:

1. უნდა იყოს პროგრამისთვის კვალიფიცირებული ქვეყნიდან.
2. უნდა აკმაყოფილებდეს გარკვეული განათლების ან სამუშაო გამოცდილების მოთხოვნებს.

პროგრამაში მონაწილეობის უფლება არ აქვთ შემდეგი ქვეყნების წარმომადგენლებს:  კანადა, ბრაზილია,  მექსიკა, კოლუმბია, ელ სალვადორი, დომინიკის რესპუბლიკა, ბანგლადეში, ინდოეთი, იამაიკა, ჰაიტი, ფილიპინები, ჰონდურასი, ნიგერია, პაკისტანი, კორეის რესპუბლიკა (სამხრეთ კორეა), ჩინეთი (მათ შორის ჰონგ-კონგი), დიდი ბრიტანეთის გაერთიანებული სამეფო (ჩრდილოეთ ირლანდიის გარდა) ასევე, მასზე დამოკიდებული ტერიტორიები, ვიეტნამი და ვენესუელა. 

რაც შეეხება განათლებას და სამუშაო გამოცდილებას, განმცხადებელს დამთავრებული უნდა ჰქონდეს საშუალო სკოლა ან ისეთი სასწავლო დაწესებულება, რომლის სერტიფიკატიც საშუალო სკოლის ატესტატის ტოლფასია. ან, ბოლო 2-5 წლის განმავლობაში უნდა მუშაობდეს ისეთი პროფესიით, რომელსაც მინიმუმ ორწლიანი სწავლების გავლა ან ორწლიანი სამუშაო გამოცდილება სჭირდება.

რა უფლებებით სარგებლობ აშშ-ში მწვანე ბარათის მოგების შემთხვევაში ?

• კანონიერი სამსახური: მწვანე ბარათი გაძლევს საშუალებას, ლეგალურად დასაქმდე აშშ-ში.
• მოგზაურობის თავისუფლება: შეძლებ დატოვო აშშ და ქვეყანაში ნებისმიერ დროს დაბრუნდე, გარკვეული წესების დაცვით.
• სოციალური სერვისები: შეძლებ ისარგებლო სოციალური და სამედიცინო სერვისებით.
• ფინანსური სტაბილურობა: შეძლებ შეიძინო უძრავი ქონება, გახსნა ბანკის ანგარიშები ან მიიღო სესხები.
• მოქალაქეობის მიღების შესაძლებლობა: მწვანე ბარათი გიხსნის გზას მიიღო ამერიკის მოქალაქეობა,  მას შემდეგ, რაც დააკმაყოფილებ ბინადრობისა და სხვა გარკვეულ მოთხოვნებს.

თუ გსურს მონაწილეობა მიიღო მწვანე ბარათის გათამაშებაში, აპლიკაცია უნდა შეავსო ელექტრონულად, შემდეგ მისამართზე: dvprogram.state.gov .

(+995) 551 907 907