მიუნხენის საერთაშორისო აეროპორტმა ხუთშაბათს, 2 ოქტომბრის ღამით, ოპერირება სრულად შეაჩერა, მას შემდეგ, რაც მის სიახლოვეს დაფიქსირდა რამდენიმე უპილოტო საფრენი აპარატი. ინციდენტის გამო, რომელიც ევროპის საავიაციო უსაფრთხოების მზარდ გამოწვევებს უსვამს ხაზს, ათობით რეისი გაუქმდა ან გადამისამართდა, რამაც ათასობით მგზავრს შეუქმნა პრობლემა.
აეროპორტის ადმინისტრაციის განცხადებით, უსაფრთხოების ზომებიდან გამომდინარე, გვიან ღამით 17 რეისის აფრენა გაუქმდა, რამაც პირდაპირი გავლენა იქონია დაახლოებით 3000 მგზავრზე. გარდა ამისა, მიუნხენმა ვერ მიიღო 15 შემომავალი რეისი. აღნიშნული თვითმფრინავები იძულებული გახდნენ, დაშვებულიყვნენ ალტერნატიულ აეროპორტებში, მათ შორის შტუტგარტში, ნიურნბერგში, ფრანკფურტსა და ვენაში.
თბილისი მიუნხენი პირდაპირი ფრენები
| Departure at | Return at | Airline | Find tickets |
|---|---|---|---|
| 18 August 2026 | 25 August 2026 |  | ავიაბილეთები 1 659 -დან |
| 16 September 2026 | 20 September 2026 | | ავიაბილეთები 1 118 -დან |
| 23 October 2026 | 27 October 2026 | | ავიაბილეთები 690 -დან |
ეს ინციდენტი ევროპის საჰაერო სივრცეში დაფიქსირებული მსგავსი შემთხვევების ჯაჭვის უახლესი რგოლია. 2025 წლის სექტემბრის მეორე ნახევარში ანალოგიური პრობლემები შეექმნათ დანიისა და ნორვეგიის აეროპორტებს, სადაც დრონების გამოჩენამ ფრენების განრიგის სერიოზული შეფერხება გამოიწვია.
ევროპაში მზარდი შეშფოთების ფონზე, უპილოტო საფრენი აპარატების წარმომავლობა ამ დრომდე დაუდგენელია.
აღსანიშნავია, რომ სექტემბერში საკუთარი საჰაერო სივრცის დრონებით დარღვევის შესახებ განცხადებები გააკეთეს ნატოს წევრმა ქვეყნებმაც, მათ შორის პოლონეთმა, ესტონეთმა და რუმინეთმა.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
