იაფი ფრენები რიგაში

ეს ისტორიული შენობა მე-14 საუკუნის ძეგლია და კარგად ასახავს იმ დროს კულტურულ თავისებურებებს. შუასაუკუნეების არქიტექტურული სტილი და სიმბოლიკა კარგად იგრძნობა ამ შენობის გარშემო. იგი წარმოადგენდა ვაჭართა გაერთიანებების შეკრების ადგილს. დროთა განმავლობაში მისი ფუნქციური მნიშვნელობა იზრდებოდა მანამ სანამ მეორე მსოფლიო ომის დროს არ დაიბომბა. შენობა ახლა რესტავრირებულია.

რიგის თავისუფლების მონუმენტი გარდა იმისა, რომ თვალწარმტაცია თავისი არქიტექტურული სიმბოლიკით, ასევე ატარებს დიდ დატვირთვას. იგი ეძღვნება მე-20 საუკუნეში ლატვიის თავისუფლებისთვის ბრძოლაში დაღუპულ გმირთა ხსოვნას. მონუმენტი წარმოადგენს როგორც სიმბოლური მნიშვნელობის ნაგებობას, ასევე კულტურულ და ისტორიულ ღირსშესანიშნაობასაც.

ეს ტაძარი შუასაუკუნეების ძეგლია. მასში რამდენიმე ტიპის არქიტექტურული სტილი შეგიძლიათ ამოიცნოთ, მაგალითად რომანული, გოთიკური და ბაროკოს ტიპის სიმბოლოები. დღეს იგი ფუნქციურია და ევანგელისტური წირვა ტარდება. ტაძარი კულტურული ღირებულებისაა და ძველ დროზე ბევრ ინფორმაციას გვაძლევს.

თუ გსურთ, თავი ადგილობრივად იგრძნოთ, აუცილებლად ეწვიეთ ამ ადგილს. გარდა იმისა, რომ ბაზარში უამრავი ადგილობრივი პროდუქტის გასინჯვის შესაძლებლობა გექნებათ, აქ შეგიძლიათ დააკვირდეთ კულტურულ თავისებურებებს და რიგის მოსახლეობის ცხოვრების ტემპს.

რიგა ცნობილია თავისი ჭვავის პურით. ჭვავის პურის წვნიანი (Rye Bread Soup) კი ის გამორჩეული კერძია, რომელიც ქალაქში ყოფნის დროს აუცილებლად უნდა დააგემოვნოთ. იგი წარმოადგენს კრემში ჩადებულ ჭვავის პურს, რომელიც გამომცხვარია სხვადასხვა ხილთან ერთად. თუმცა, როგორც რიგის მოსახლეობა ამბობს, იგი ძალიან ტკბილი არაა, რადგან კბილის ტკივილი აირიდონ თავიდან. ამ კერძს თავისი ისტორიაც აქვს და მისი დაგემოვნება ლატვიურ კულტურასთან ზიარების ერთგვარ რიტუალადაც შეიძლება ჩაითვალოს.

სპეკა პირაგი (Speķa pīrāgi) არის პატარა ღვეზელები შაშხითა და ხახვით, რომლებიც ლატვიის ეროვნული კერძის სტატუსს ატარებს. ეს ის კერძია, რომელსაც ლატვიელები ყველა მნიშვნელოვან დღესასწაულზე მიირთმევენ. ამიტომ რიგა ამ კერძის დაგემოვნების გარეშე არ უნდა დატოვოთ.

თუ ზღვის პროდუქტების მოყვარული ხართ, მაშინ იაფი ავიაბილეთები რიგაში თქვენი საოცნებო კულინარიული ზღაპრის დასაწყისი შეიძლება გამოდგეს. გასაკვირი არ არის, რომ რიგაში ძალიან უყვართ თევზის კერძები, განსაკუთრებით კი შებოლილი. შებოლილი თევზის მომზადება ლატვიელებისთვის ტრადიციაა, რადგან ასე დიდი ხნის განმავლობაში ინახავენ მას და საკმაოდ ხშირადაც მიირთმევენ.

რიგაში გამომცხვარი ტკბილეულის მთელი სია აქვთ. აუცილებლად გირჩევდით, საკონდიტროებში შეიაროთ და სხვადასხვა დესერტი დააგემოვნოთ. მაგალითად, აქაური ეკლერი აუცილებლად მოგხიბლავთ. ასევე, დააგემოვნეთ ცხელი შოკოლადიც.