ოდესმე საშობაო ზღაპარში მოხვედრაზე გიოცნებიათ? მაშინ აუცილებლად დაგეგმეთ საშობაო მოგზაურობა ევროპაში და თქვენი ოცნება რეალობად აქციეთ. ჩვენ გადავწყვიტეთ შემოგთავაზოთ ევროპის საუკეთესო ქალაქები შობა-ახალი წლის გასატარებლად და გაგიმარტივოთ მოგზაურობის დაგეგმვა.
ვენა
რთულია იპოვოთ ქალაქი, რომელიც ისე დიდებულად და შთამბეჭდავად აღნიშნავს შობას, როგორც ვენა. კაშკაშა და მოელვარე საშობაო ბაზრობები, ულამაზესი დეკორაციებით მორთული ქუჩები და ვენის საოცარი არქიტექტურა ნამდვილად ჰგავს საშობაო ზღაპარს.
მიირთვით გლინტვეინი, სოსისები და ახლად გამომცხვარი ფუნთუშები საშობაო ბაზრობებზე, ისრიალეთ Rathausplatz- ის საციგურაო მოედანზე, ესტუმრეთ თოვლის ბურთების მუზემს (Snow Globe Museum) და მოიწყვე ნამდვილი საშობაო დღესასწაული ყველაზე საშბაო ქალაქში. ვენაში გამგზავრება ხომ ასე მარტივია – შეიძინეთ Wizz Air – ის ყველაზე იაფი ავიაბილეთები ვენის მიმართულებით და პირდაპირი რეისით მოხვდებით მოხვდებით ამ საოცარ ქალაქში.
პრაღა
ევროპის გოთიკური ზღაპარი, პრაღა, შობას განსაკუთრებული ხალისითა და დიდებულებით აღნიშნავს. მისი თვალწარმტაცი არიქტექტურის ფონზე გლინტვეინის დალევა და საშობაო ბაზრობების ქაოსში მოხვედრა დაივიწყარ საშობაო განწყობას მოგანიჭებთ.
პრაღის საშობაო ბაზრობები ერთ-ერთი ყველაზე პოპულარულია ევროპაში. აქ მოხვედრით თქვენ შესაძლებლობა გეძლევათ აღმოაჩინოთ ქვეყნის ტრადიციები, კულტურული ღირებულებები და ადგილობრივი სამზარეულო. ყველაზე დიდი, ძველი და შთამბეჭდავი საშობაო ბაზრობები მდებარეობს ძველი ქალაქის მოედანზე. სადაც არ უნდა გაიხედოთ, ყველგან დაინახავთ ულამაზესი დეკორაციებით მორთულ ქოხებს, სადაც იყიდება ხელნაკეთი საახალწლო ნივთები, ნაძვის ხის ორნამენტები, ჩეხური დელიკატესები და უამრავი რამ, რაც შობასთან ასოცირდება.
ასე რომ, თუ პრაღა ის ადგილია, სადაც ნამდვილად გსურთ შობის გატარება, გაგიმართლათ, რადგან Wizz Air -ის პრაღის ავიაბილეთების ღირებულება საშობაო დღეებში საკმაოდ ხელმისაწვდომია.
პარიზი
ქალაქი, რომელიც წელიწადის ნებისმიერ დროს საოცარი სანახავია, შობას კიდევ უფრო შთამბეჭდავი ხდება. „სინათლის ქალაქი“ განსაკუთრებით ნათელი და კაშკაშა ხდება დეკემბერში, როდესაც მოციმციმე დეკორაციებითა და ბრჭყვიალა ნათურებით იმოსება მთელი ქალაქი. „შონზ-ელიზეს“ გამზირზე მოელვარე ნათურებით მორთული 400 ხე, „გალერეა ლაფაიეტის“ ყოველთვის გამორჩეული დეკორაციებით შექმნილი ნაძვის ხე და ულამაზესი ფრანგული საშობაო ბაზრობები ნამდვილად გაჩუქებთ საუკეთესო საშობაო არდადეგებს.
მაშინ, როდესაც პარიზის ავიაბილეთების არჩევანი საკმაოდ დიდია, არ დააყოვნოთ და დროულად შეიძინეთ ავიაბილეთები პარიზში გასამგზავრებლად.
სტრასბურგი
საუკეთესო საშობაო მიმართულებების სიაში სტრასბურგი აუცილებლად უნდა იკავებდეს საპატიო ადგილს. წარმოიდგინეთ, რომ საშობაო ზღაპრის წიგნი გადაშალოთ და ფურცლებზე აღბეჭდილი ილუსტრაციები რეალობად იქცეს – სწორედ ასეთი შეგრძნება დაგეუფლებათ, როდესაც საშობაოდ მორთულ სტრასბურგს ნახავთ. ასეთი გასაოცარი სანახობის გამო. სტრასბურგს “შობის დედაქალაქსაც” უწოდებენ.
თუ შობა თქვენთვის განსაკუთრებული დღესასწაულია, მაშინ ერთხელ მაინც უნდა ესტუმროთ ამ პერიოდში სტრასბურგს. საუკეთესო ვარიანტი იქნება, თუ ჯერ პარიზში გაემგზავრებით და რამდენიმე დღეში სტრასბურგისკენ განაგრძობთ გზას, თუნდაც მატარებლით. ასე შეძლებთ ორ ყველაზე გამორჩეულ საშობაო ქალაქში იმოგზაუროთ და საუკეთესო შობა-ახალი წელი გაატაროთ. ან შეიძინეთ სტრასბურგის ავიაბილეთები ტრანზიტულ ავიარეისებზე, რომლებსაც გვთავაზობენ ავიაკომპანიები Lufthansa, AirFrance, Pegasus Airlines და ა.შ.
ვროცლავი
პოლონეთის ქალაქი ვროცლავი განსაკუთრებულად აღნიშნავს შობას. შეიძლება ითქვას, რომ ვროცლავი ერთ-ერთ საუკეთესო საშობაო ბაზრობებს აწყობს ევროპაში. საოცრად მორთული ქუჩები და საშობაო გალობები, რომლებიც ვროცლავის ფერად მოედანზე ისმის, განსაკუთრებულ საშობაო განწყობას შეგიქმნით. ამ ქალაქში შობა-ახალი წლის გატარება განსაკუთრებით მათთვის იქნება შესანიშნავი, ვინც ბიუჯეტურ მოგზაურობას გეგმავს. ვროვლავი არ არის ტურისტებით სავსე ქალაქი, რაც იმას ნიშნავს, რომ საკმაოდ ხელმისაწვდომი ფასებია და ყველაზე იაფი ქალაქია ამ სიაში.
ვროცლავში გამგზავრება ქუთაისის აეროპორტიდან შეგიძლიათ. პირდაპირ ფრენებს Wizz Air- ი ასრულებს და ვროცლავის იაფ ავიაბილეთებს გვთავაზობს.
ეს მხოლოდ მცირე ჩამონათვალია ევროპის საუკეთესო ქალაქები ს, სადაც შობა-ახალი წელი უნდა გაატაროთ. თუმცა, ჩვენ შევეცადეთ მათგან საუკეთესო შეგვერჩია. ასე, რომ შეიძნეთ ავიაბილეთები ევროპის მიმართულებით და გაატარეთ დაუვიწყარი შობა-ახალი წელი თქვენს საოცნებო ქალაქში.
