ავიაკომპანია Bees Airlines-ის ხელმძღვანელის, ევგენი ხაინადსკის განცხადებით, ავიაკომპანიამ უკრაინასა და საქართველოს შორის რეგულარული რეისების დასაწყებად მარეგულირებელს უკვე მიმართა.
Bees Airlines-ი რეგულარული რეისების შესრულებას გეგმავს როგორც თბილისის, ისე ბათუმის საერთაშორისო აეროპორტშიც. ავიაკომპანია ბაზირებულია კიევის საერთაშორისო, იგივე ჟულიანის აეროპორტში და შესაბამისად, ფრენებიც ამ აეროპორტიდან შესრულდება.
Bees Airlines-ი დაბალბიუჯეტური ავიაკომპანიაა, ამიტომ მისი საქართველოში შემოსვლა განსაკუთრებით სასიხარულოა, რადგან საქართველოსა და უკრაინას შორის საჰაერო მიმოსვლა საკმაოდ ხელმისაწვდომი იქნება. ავიაბილეთების ღირებულება დაახლოებით 1000-1500 გრინვა იქნება.
