როგორც უკვე ცნობილია, საქართველოს საავიაციო ბაზარს კიდევ ერთი უკრაინული ავიაკომპანია შეემატა. დაბალბიუჯეტური ავიაკომპანია Bees Airlines-ი კიევი-თბილისი-კიევის საჰაერო ხაზზე დაიწყებს ოპერირებას.
აქამდე უცნობი იყო, როდის დაიწყებდა ავიაკომპანია ფრენების შესრულებას, თუმცა დღეს ცნობილი გახდა თარიღი.
Bees Airlines-ი ოპერირებას ჩარტერული რეისით დაიწყო, რომელიც უკვე შეასრულა 7 აპრილს.
რაც შეეხება რეგულარულ ფრენებს, ავიაკომპანია 30 აპრილიდან შეასრულებს და თავიდან კვირაში 2 სიხშირით, ხოლო ივნისიდან კვირაში 3 სიხშირით იფრენს.
აღსანიშნავია, რომ Bees Airlines-ი ოპერირებას ბათუმის საერთაშორისო აეროპორტშიც იწყებს. კიევი-ბათუმი-კიევის საჰაერო ხაზზე ავიაკომპანია 9 ივნისიდან დაიწყებს ავიარეისების შესრულებას.
გარდა კიევისა, Bees Airlines-ი უკრაინის ქალაქ ხერსონიდანაც შეასრულებს რეისებს. ამჟამინდელი ინფორმაციით ავიაკომპანია რეისების შესრულების უფლება 1-ლი ივნისიდან აქვს ნებადართული, კვირაში ორი სიხშირით. თუმცა, ზუსტი თარიღი, თუ როდის დაიწყებს ის ოპერირებას ხერსონი-თბილისი-ხერსონის საჰაერო ხაზზე, ჯერჯერობით უცნობია.
