გადაწყვიტეთ გაემგზავროთ ათენის მიმართულებით , თუმცა არ იცით, როგორ მოხვდეთ აეროპორტიდან ქალაქის ცენტრში? ეს სტატია დაგეხმარებათ დეტალურად გაიგოთ რომელი სატრანსპორტო საშუალებები ემსახურება აეროპორტს და როგორ შეგიძლიათ გადაადგილდეთ ქალაქის ცენტრის მიმართულებით.

საბერძნეთის დედაქალაქის აეროპორტი არც ისე შორსაა ქალაქის ცენტრიდან. გზა დაახლოებით 35 კმ -ის სიგრძისაა. აეროპორტიდან ქალაქის ცენტრში მოსახვედრად თქვენ შეგიძლიათ ისარგებლოთ სამი ტიპის სატრანსპორტო საშუალებით: მეტრო, ავტობუსი და ტაქსი.

როგორ მივიდეთ ათენის აეროპორტიდან ქალაქის ცენტრამდე ტაქსით?

ათენის აეროპორტის ტაქსი ნამდვილად ყველაზე სწრაფი და მოსახერხებელი სატრანსპორტო საშუალებაა. მგზავრობის დრო მოიცავს დაახლოებით 25 წუთს, ზუსტი დრო კი დამოკიდებული დანიშნულების ადგილზე.

გაითვალისწინეთ, რომ ათენის აეროპორტის გარეთ დაგხვდებათ როგორც ყვითელი, ასევე შავი ტაქსები. შავი ტაქსები რეალურად არის „პირადი დაქირავების“ და სტანდარტულ ყვითელ ტაქსებთან შედარებით დაახლოებით ორჯერ ძვირია.

მიზანშეწონილია წინასწარ დაჯავშნოთ ათენის აეროპორტის ტრანსპორტი, რათა დაზოგოთ დრო და დარწმუნდეთ, რომ მძღოლთან კომუნიკაციის პრობლემა არ გექნებათ.

როგორ ავიყვანოთ ტაქსი?

როგორც კი ტერმინალ 2-ისა და 3-ის ჩამოსვლის კარიბჭის გარეთ გამოხვალთ, დაინახავთ ტაქსების რიგს, რომლებიც მგზავრებს ელოდებიან.

როგორ მივიდეთ ათენის აეროპორტიდან ქალაქის ცენტრამდე მეტროთი?

გარდა იმისა, რომ მეტრო ერთ-ერთი იაფი ვარიანტია, ის ასევე არ არის ყველაზე საიმედო ტრანსპორტი. მეტრო ათენის აეროპორტიდან გადის ყოველ 30 წუთში. მგზავრობას დაახლოებით 50 წუთი სჭირდება, თუმცა გასათვალისწინებელია, რომ 23:35 საათის შემდეგ მეტროსადგური იკეტება.

სად მდებარეობს მეტროსადგური?

ათენის აეროპორტის მეტროსადგური ჩამოსვლის კარიბჭიდან მხოლოდ 10-15 წუთის სავალზეა. თქვენ უნდა მიჰყვეთ ნიშნებს, გადაკვეთოთ ქუჩა, ლიფტით ან ესკალატორით ახვიდეთ ერთ დონით მაღლა და გადაკვეთოთ საცალფეხო ხიდი.

როგორ მივიდეთ ათენის აეროპორტიდან ქალაქის ცენტრამდე ავტობუსით?

ათენის აეროპორტიდან ქალაქის ცენტრამდე ავტობუსით მგზავრობა იაფია, თუმცა არა ყველაზე მოსახერხებელი ვარიანტი. ავტობუსები სადგურიდან დაახლოებით 60 წუთში ერთხელ გადიან. ქალაქის ცენტრამდე მისასვლელად მგზავრობას კი 55 წუთი სჭირდება.

მგზავრობის ბილეთები უნდა შეიძინოთ ბილეთების კიოსკში, ავტობუსის გამგზავრების ზონაში, აეროპორტის გარეთ.

სად მდებარეობს ავტობუსების სადგური?

ავტობუსების სადგური ძალიან მარტივი საპოვნელია, ის მდებარეობს ჩამოსვლის ტერმინალის 4 და 5 გასასვლელებს შორის.

ათენის მიმართულებით გამგზავრებას თქვენ საქართველოს სამივე აეროპორტიდან შეძლებთ. ქუთაისის აეროპორტიდან პირდაპირ ფრენებს უნგრული დაბალბიუჯეტიანი ავიაკომპანია Wizz Air ახორციელებს, თბილისის აეროპორტიდან ბერძნული ავიაკომპანია Aegean Airlines , ხოლო ბათუმის აეროპორტიდან კი სრულდება ტრანზიტული რეისები, რომელსაც თურქული ავიაკომპანია Turkish Airlines -ი გვთავაზობს.

თუ გსურთ დაჯავშნოთ ათენის იაფი ავიაბილეთები, დაგვიკავშირდით ნომერზე: 551 907 907 

წინა სტატიაშიArkia Airlines-ს წესები და პირობები
შემდეგი სტატია5 ქალაქი, რომელიც პორტუგალიაში უნდა მოინახულოთ
0 0 votes
შეაფასე სტატია
0 კომენტარები
Inline Feedbacks
View all comments