თბილისის საერთაშორისო აეროპორტიდან დეკემბერის რეისების დადასტურება ეტაპობრივად მიმდინარეობს. დეკემბრის თვეში შესრულდება როგორც რეგულარული, ისე ჩარტერული ფრენები.
ერთ-ერთი მიმართულება, რომელზეც მომდევნო თვეშიც განხორციელდება ფრენა, ათენია. ამ ეტაპზე ათენი ერთ-ერთი ყველაზე მოთხოვნადი მიმართულებაა და სწორედ ამიტომ, ეგეოსის ავიახაზები დეკემბერშიც შეასრულებს რეისს. აღსანიშნავია, რომ ფრენა შესრულდება როგორც თბილისი-ათენის, ისე ათენი-თბილისის მიმართულებით.
12 დეკემბერს ავიაკომპანია Aegean Airlines-ი მგზავრებს ათენი-თბილისის საჰაერო ხაზზე მოემსახურება, ხოლო თბილისი-ათენის მიმართულებით ფრენა 13 დეკემბერს შესრულდება. აღნიშნული რეისი უკვე დადასტურებულია და ავიაბილეთების შეძენაც შესაძლებელია.
