2025 წლის აპრილიდან, თბილისის საერთაშორისო აეროპორტი -ში ახალი ევროპული ავიაკომპანია დაიწყებს ოპერირებას. საქართველოს აეროპორტების გაერთიანების ინფორმაციით, Lufthansa -ს ჯგუფში შემავალი შვეიცარიული ავიაკომპანია Edelweiss 2025 წლის 12 აპრილიდან იწყებს რეგულარულ ფრენებს თბილისი ციურიხი ციურიხი თბილისი -ს მიმართულებით. რეისები Airbus A320 ტიპის თვითმფრინავებით, კვირაში ორჯერ შესრულდება.
აღსანიშნავია, რომ შვეიცარიის მიმართულებით , კერძოდ თბილისსა და ციურიხს შორის პირდაპირ რეისებს ამ დროისთვის არცერთი ავიაკომპანია არ ასრულებს და მგზავრებს ფრენა ერთი გადაჯდომით, სტამბოლის გავლით უწევდათ.
თბილისი ციურიხი
| გამგზავრება | დაბრუნება | გაჩერება | ავიაკომპანია | ბილეთების პოვნა |
|---|---|---|---|---|
| 7 დეკემბერი 2025 | 3 იანვარი 2026 | 1 Გაჩერება |  | ავიაბილეთები 747 -დან |
| 10 დეკემბერი 2025 | 14 დეკემბერი 2025 | 1 Გაჩერება |  | ავიაბილეთები 818 -დან |
| 17 დეკემბერი 2025 | 23 დეკემბერი 2025 | 2 Გაჩერება |  | ავიაბილეთები 1 308 -დან |
| 20 დეკემბერი 2025 | 13 იანვარი 2026 | 1 Გაჩერება | | ავიაბილეთები 679 -დან |
| 21 დეკემბერი 2025 | 26 დეკემბერი 2025 | 1 Გაჩერება | | ავიაბილეთები 1 201 -დან |
| 3 იანვარი 2026 | 9 იანვარი 2026 | 1 Გაჩერება |  | ავიაბილეთები 1 365 -დან |
| 18 იანვარი 2026 | 25 იანვარი 2026 | 1 Გაჩერება | | ავიაბილეთები 586 -დან |
| 9 თებერვალი 2026 | 13 თებერვალი 2026 | 2 Გაჩერება |  | ავიაბილეთები 552 -დან |
| 5 აპრილი 2026 | 12 აპრილი 2026 | 1 Გაჩერება |  | ავიაბილეთები 994 -დან |
საქართველოს აეროპორტების გაერთიანების გენერალური დირექტორის, ირაკლი ქარქაშაძის განცხადებით, ორი წლიანი მოლაპარაკებები ავიაკომპანიასთან წარმატებით დასრულდა:
„მოხარულები ვართ, რომ 2025 წლიდან თბილისის მიმართულებით კიდევ ერთი ევროპული ავიაკომპანია დაიწყებს ოპერირებას. Edelweiss -ის შემოსვლა მნიშვნელოვანი მოვლენაა საქართველოს ავიაბაზრისთვის და შვეიცარიიდან ახალი ტურისტული ნაკადების მოზიდვას შეუწყობს ხელს. ამასთან, ციურიხის მიმართულება საქართველოსთვის სრულიად ახალია, რადგან აქამდე არცერთი აეროპორტიდან არ განხორციელებულა ფრენა ამ მარშრუტზე.“
Edelweiss Air არის Swiss International Airlines-ის შვილობილი კომპანია, რომელიც Lufthansa-ს ჯგუფის საკუთრებაა. ის ფრენებს 90-ზე მეტი მიმართულებით ახორციელებს ციურიხიდან ევროპისა და ამერიკის სხვადასხვა ქალაქში და ძირითადად საკურორტო მარშრუტებზეა ფოკუსირებული.
