თურქეთის მსხვილმა ავიაკომპანიებმა, კერძოდ, Pegasus Airlines -მა და Turkish Airlines -მა მოსალოდნელი ქარბუქის გამო 600-ზე მეტი ფრენა გააუქმეს, რომელიც სტამბოლის აეროპორტიდან ან მისი მიმართულებით უნდა განხორციელებულიყო.
როგორც Airport Operation and Aviation Industries Inc.-ი აცხადებს, არახელსაყრელი მეტეოროლოგიური პირობების გამო, საბიჰა გოქჩენის აეროპოტი 8 თებერვალს ფრენებს 15%-ით ამცირებს და გასცემს რეკომენდაციებს, რომ მგზავრებმა თვალყური ადევნონ თავიანთი ფრენის უახლეს სტატუსს შესაბამისი ავიაკომპანიების ვებგვერდებისა და ქოლ-ცენტრების საშუალებით.
Pegasus Airlines -ის გაუქმებული ფრენების სია, მოიცავს ოთხშაბათისთვის დაგეგმილ 113 ფრენას, ხოლო ხუთშაბათისთვის – 74-ს. გაუქმებული ფრენების დიდი ნაწილი შიდა რეისებია.
თურქეთის ავიახაზებმა გუშინ 170 დაგეგმილი ფრენა გააუქმა, მათ შორის 152 სტამბოლის ახალი აეროპორტიდან და 18 – საბიჰა გოქჩენის აეროპორტიდან. მოსალოდნელი ძლიერი შტორმის, წვიმისა და თოვლის გამო თურქეთის ხელისუფლებამ ასევე დახურა სკოლები დედაქალაქ ანკარასა და ქალაქ სტამბოლში.
