საქართველოს საავიაციო ბაზარზე სიახლეები არ წყდება. თბილისთან ერთად, ბათუმის საერთაშორისო აეროპორტშიც შემოდის ახალი ავიაკომპანია ახალი მიმართულებით.
ლატვიური ავიაკომპანია AirBaltic – ი ბათუმის საერთაშორისო აეროპორტში იწყებს ოპერირებას. ავიაკომპანია რიგა – ბათუმი – რიგის საჰაერო ხაზზე განახორციელებს ფრენებს. რეისები 2 მაისიდან, კვირაში 2 სიხშირით შესრულდება Airbus 220 ტიპის საჰაერო ხომალდებით.
AirBaltic -ი თბილისის საერთაშორისო აეროპორტში 2006 წლიდან ოპერირებს რიგა – თბილისი – რიგის საჰაერო ხაზზე, 2022 წლიდან კი ავიაკომპანია პირველად დაიწყებს ოპერირებას ბათუმის საერთაშორისო აეროპორტში.
