თბილისის საერთაშორისო აეროპორტიდან თურქეთის დედაქალაქ ანკარაში პირდაპირი რეგულარული ფრენები იწყება. ფრენებს დაბალბიუჯეტური ავიაკომპანია Ajet -ი, „თურქეთის ავიახაზების“ შვილობილი კომპანია, შეასრულებს. საქართველოს სამოქალაქო ავიაციის სააგენტომ ახალი ავიამიმართულების დაწყების ნებართვა უკვე გასცა.
ანკარის ახალი რეისები სექტემბრის ბოლოდან ამოქმედდება და კვირაში ოთხჯერ განხორციელდება: ორშაბათს, სამშაბათს, ხუთშაბათს და შაბათს.
თბილისი ანკარა
| გამგზავრება | დაბრუნება | გაჩერება | ავიაკომპანია | ბილეთების პოვნა |
|---|---|---|---|---|
| 28 აგვისტო 2025 | 29 აგვისტო 2025 | 1 Გაჩერება |  | ავიაბილეთები 701 -დან |
| 1 სექტემბერი 2025 | 6 სექტემბერი 2025 | 1 Გაჩერება | | ავიაბილეთები 713 -დან |
| 5 სექტემბერი 2025 | 9 სექტემბერი 2025 | 1 Გაჩერება | | ავიაბილეთები 678 -დან |
| 11 სექტემბერი 2025 | 12 სექტემბერი 2025 | 1 Გაჩერება |  | ავიაბილეთები 633 -დან |
| 12 სექტემბერი 2025 | 16 სექტემბერი 2025 | 1 Გაჩერება |  | ავიაბილეთები 557 -დან |
| 7 ოქტომბერი 2025 | 9 ოქტომბერი 2025 | 1 Გაჩერება | | ავიაბილეთები 572 -დან |
| 17 ოქტომბერი 2025 | 25 ოქტომბერი 2025 | 1 Გაჩერება | | ავიაბილეთები 420 -დან |
| 20 ოქტომბერი 2025 | 25 ოქტომბერი 2025 | 1 Გაჩერება | | ავიაბილეთები 413 -დან |
| 27 ოქტომბერი 2025 | 1 ნოემბერი 2025 | 1 Გაჩერება | | ავიაბილეთები 441 -დან |
| 31 ოქტომბერი 2025 | 4 ნოემბერი 2025 | 1 Გაჩერება | | ავიაბილეთები 653 -დან |
| 1 ნოემბერი 2025 | 4 ნოემბერი 2025 | 1 Გაჩერება | | ავიაბილეთები 495 -დან |
| 16 იანვარი 2026 | 19 იანვარი 2026 | 1 Გაჩერება | | ავიაბილეთები 386 -დან |
| 12 მარტი 2026 | 15 მარტი 2026 | 1 Გაჩერება | | ავიაბილეთები 392 -დან |
ეს გადაწყვეტილება ეკონომიკისა და მდგრადი განვითარების მინისტრის, მარიამ ქვრივიშვილის, და „თურქეთის ავიახაზების“ დირექტორთა საბჭოს თავმჯდომარის, აჰმეტ ბოლატის, შეხვედრის შედეგია, რომელიც ივლისში გაიმართა. შეხვედრის მთავარი თემა ორ ქვეყანას შორის საჰაერო მიმოსვლის გაზრდა იყო.
თურქეთი საქართველოსთვის ერთ-ერთი ყველაზე აქტიური მიმართულებაა
თურქეთი საქართველოსთვის ტურისტული თუ ეკონომიკური თვალსაზრისით ერთ-ერთი ყველაზე მნიშვნელოვანი პარტნიორია. გასულ წელს ორ ქვეყანას შორის 1.2 მილიონზე მეტი მგზავრი გადაიყვანეს, რაც საქართველოსა და მეზობელ ქვეყნებს შორის მგზავრთა საერთო ნაკადის თითქმის ნახევარს შეადგენს.
ახალი ფრენების დამატება კიდევ უფრო გააძლიერებს ამ ურთიერთობებს და ხელს შეუწყობს მგზავრთა ნაკადის ზრდას.
რეკორდული მაჩვენებლები ქართულ აეროპორტებში
2025 წლის პირველი შვიდი თვე ქართული აეროპორტებისთვის რეკორდული იყო. ამ პერიოდში განხორციელდა 20 000-ზე მეტი საერთაშორისო და ადგილობრივი რეისი, რაც წინა წლის ანალოგიურ პერიოდთან შედარებით 16%-იანი ზრდაა.
მგზავრთა რაოდენობამ 4.6 მილიონს გადააჭარბა, რაც 13%-ით მეტია გასულ წელთან შედარებით. დღეისათვის, თბილისის, ქუთაისის და ბათუმის საერთაშორისო აეროპორტებში ყოველკვირეულად დაახლოებით 745 რეისი სრულდება.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
