კოპენჰაგენი – გზამკვლევი მოგზაურობის დაგეგმვისთვის

ინდრეს უბანი (Indre district) – ეს სივრცე იდეალურია მათთვის, ვინც პირველად გეგმავს მოგზაურობას და ქალაქის ცენტრში სურს დარჩენა. აქ ნახავთ კოპენჰაგენის მთავარ ღირსშესანიშნაობებსა და კულტურულ ძეგლებს.

ოსტერბროს უბანი  (Østerbro) – ეს უბანი ოჯახებისთვის მოსახერხებელი დასარჩენი სივრცეა. ეს არის წყნარი მწვანე ტერიტორია, რომელიც პარკებითაა სავსე. აქ მდებარეობს ზოოლოგიური მუზეუმიც.

ფრედერიკსბერგი (Frederiksberg) – ეს მშვიდი და სასიამოვნო საცხოვრებელი უბანია ციხესიმაგრეებითა და დიდი პარკებით. თუ გსურთ ოჯახთან ერთად დატკბეთ სიმწვანით და ამავდროულად ქალაქის ცენტრთან ახლოს დარჩეთ, ეს ადგილი თქვენთვისაა. გირჩევთ, დარჩეთ უბნის აღმოსავლეთ ნაწილში, ცენტრიდან ფეხით სავალ მანძილზე.

ვესტერბოს უბანი (In Vesterbro District) – ვესტერბრო ისტორიული ცენტრის სამხრეთ-დასავლეთით მდებარეობს. ეს ყოფილი ინდუსტრიული ზონა ამჟამად მოდური ადგილია და ერთ-ერთი საუკეთესო უბანია წვეულებებისთვის! მრავალი ბარით, კლუბითა და რესტორნით აღსავსე ეს უბანი იდეალურია ღამე გასართობად.

ნორებროს უბანი (Norrebro) – ნორებრო ცოცხალი უბანია, სადაც უამრავი პატარა ბარი და რესტორანია, რომლებიც სტუდენტებში პოპულარულია. თუ გსურთ გართობაში გაატაროთ დრო და კარგად დაისვენოთ, ეს ალბათ ერთ-ერთი საუკეთესო ადგილია დასარჩენად.

კრისტიანსბორგის სასახლე პარლამენტის შენობას წარმოადგენს. თავად შენობა საუკუნეებს ითვლის. მისი ფუნქცია კი ყოველთვის სამთავრობო დანიშნულების იყო. დღეს კრისტიანსბორგის სასახლე ტურისტებისთვის ერთ-ერთი ყველაზე საინტერესო შენობაა მისი იერის გამო.

დანიის ომის მუზეუმი შემოგთავაზებთ დანიის ბოლო 500 წლის ომის ისტორიას. დაათვალიერეთ გამოფენები დანიური ომების შესახებ, დაათვალიერეთ იარაღები და ომის ტაქტიკები.

კრონბორგის სასახლე მსოფლიო მემკვიდრეობის ძეგლია, რომელიც აერთიანებს დრამას, ისტორიასა და ბუნებრივ სილამაზეს. იგი დანიის სანაპიროზე მდებარე დიდებული, ქვემეხებით შემოღობილი რენესანსის ციხესიმაგრეა.

ტივოლის ბაღები საუცხოო სანახაობების მომსწრეს გაგხდით. ეს ბაღები ერთ-ერთი უძველესი გასართობი ცენტრებია. აქ უამრავი ღონისძიება იმართება ყოველსეზონურად. დანიაში ყოფნისას ვერ მოიწყენთ. ტივოლის ბაღებში გასეირნება მარტო თუ საყვარელ ადამიანებთან ერთად დაუვიწყარ მომენტებს გაჩუქებთ.

ექსპერიმენტორიუმი არის ადგილი, სადაც მეცნიერება სახალისოა. აქ იპოვით ინტერაქტიულ ექსპონატებს, რომლებიც წარმოაჩენენ მეცნიერებასა და ტექნოლოგიას. ექსპერომენტორიუმი დროის სასიამოვნოდ გატარების საშუალებას მოგცემთ.

დანიის ეროვნული მუზეუმი აუცილებლად მოგხიბლავთ, თუ ისტორიის მოყვარული ხართ. აქ ძველი დროიდან მოყოლებული უამრავი ისტორიული არტეფაქტის ნახვას შეძლებთ. პრეისტორიული და ეთნოგრაფიული გამოფენები დროში გამოგზაურებთ.

გინესის მსოფლიო რეკორდების მუზეუმი 11 გალერიისაგან შემდგარი ინტერაქციული მუზეუმია. ნახეთ აქაური გამოფენები და მიიღეთ მონაწილეობა სხვადასხვა თამაშებში.

კოპენჰაგენის მერიის შენობა ქალაქის ერთ-ერთი ყველაზე სიმბოლური ნაგებობაა. მისი სათვალთვალო ადგილიდან თქვენ დატკბებით ტივოლის ბაღების, მერიის მოედნისა და ცნობილი სავაჭრო ქუჩის, სტროგეტის, შესანიშნავი ხედებით.

დანიის წინააღმდეგობის მუზეუმი მოგვითხრობს დანიის წინააღმდეგობის შესახებ 1940 წლიდან 1945 წლამდე დანიის გერმანული ოკუპაციის დროს. მუზეუმის არტეფაქტების დათვალიერებისას მოგზაურები ისტორიულ დროში გადაინაცვლებენ. ხუთი ისტორიული პერსონაჟი მოგვიყვება თავის ისტორიებს იმ რთული არჩევანისა და დილემების შესახებ, რომელთა წინაშეც დადგნენ დანიის ისტორიის სამუდამოდ შესაცვლელად.

დანიის არქიტექტურის ცენტრი იდეალური ადგილია დანიური არქიტექტურის საფუძვლების აღმოსაჩენად. გაეცანით არქიტექტურისა და დიზაინის მნიშვნელობას დინამიური გამოფენების საშუალებით, რომლებიც ასახავს ურბანული განვითარების გავლენას ქალაქზე. ჩაუღრმავდით კოპენჰაგენის არქიტექტურულ წარსულს და ქალაქის ამჟამინდელ ცხოვრებას.

mark Bistro & Bar – ეწვიეთ ამ ბისტრო-ბარს კოპენჰაგენის შუაგულში – დააგემოვნეთ მიშლენის მიერ რეკომენდებული, სეზონურად ცვალებადი სამზარეულო, რომელიც მდიდარია საუკეთესო და ადგილობრივი წარმოშობის ინგრედიენტებით. დაათვალიერეთ ღვინის მარანი, სადაც წარმოდგენილია თითოეული კერძისთვის შერჩეული ღვინოები.

Kødbyens Fiskebar – ეს ადგილი ერთ-ერთი საუკეთესოა კოპენჰაგენში. აქ საოცარი ატმოსფეროა, პერსონალი თბილი და სტუმართმოყვარე, ხოლო საჭმელი მრავალფეროვანი ინგრედიენტებით გაჯერებული, მათ შორის,  ზღვის პროდუქტებით.

Sanchez – გსურთ დააგემოვნოთ მექსიკური სამზარეულო კოპენჰაგენში? აქაური შეფ-მზარეული, დეტალებისადმი განსაკუთრებით ყურადღებიანია. აქ დააგემოვნებთ როგორც მექსიკურ სამზარეულოს, ასევე გასინჯავთ სხვადასხვა სასმელს.

RESTAURANT ÉLAN – ეს რესტორანი გთავაზობთ ტრადიციულ დანიურ სენდვიჩებს და კლასიკურ კერძებს. საკვები სავსეა არომატით, პერსონალი მეგობრული და კომპეტენტურია, ატმოსფერო კი ყოველთვის თბილი და მისასალმებელია. რესტორანი მყუდრო გარემო მომხიბვლელად არის მორთული და ასევე აქ არის კოპენჰაგენის ყველაზე ლამაზი ეზო.

Aamans 1921 – ეს დანიური რესტორანია, რომელიც ეკოლოგიასა და ტრადიციულ დანიურ კერძებზეა ორიენტირებული, თუმცა დროდადრო საერთაშორისო ელემენტებსაც აინტეგრირებს კერძებში.

Café Halvvejen – თუ კოპენჰაგენში სმორებროდის საჭმელად მყუდრო, კლასიკურ და იაფ ადგილს ეძებთ ეს რესტორანი თქვენთვისაა. იგი ქალაქის გულში, სინაგოგის მოპირდაპირედ, მდებარეობს. კაფე მყუდრო გარემოში ტრადიციულ დანიურ კერძებს გთავაზობთ.

La Banchina – ზაფხულის თვეებში, მაისიდან სექტემბრამდე, რეფშალეენზე მდებარე La Banchina ყოველდღე ღიაა და იდეალური ადგილია ყავის, ახლად გამომცხვარი პურის ან გემრიელი საჭმლის დასაგემოვნებლად, ულამაზესი ხედით სანაპიროზე.

Vandvid –  რესტორანი კოპენჰაგენის ნავსადგურში, ნავზეა განთავსებული. ნავის დიდი ფანჯრიდან წყლის განსაცვიფრებელი ხედი იშლება, ზაფხულში კი ნავს გემბანზე, ღია ცის ქვეშაც კი აქვს მომსახურება.

Restaurant Silo – ეს რესტორანი ნორდჰავნში, მე-17 და მე-18 სართულებზე მდებარეობს. რესტორნის უზარმაზარი მინის ფასადებიდან კოპენჰაგენის საოცარი ხედი იშლება.

Christianshavn’s Ferry Café – ეს კაფე კრისტიანშავნის არხის პირას მდებარეობს. ის კლასიკურ დანიურ კერძებსა და შნაპსს გთავაზობთ. რესტორნის ძველი, ყვითელი შენობა, რომელშიც ის მდებარეობს, კრისტიანშავნის ცნობილი და საყვარელი ნაწილია.

Undici – ეს ადგილი კრისტიანშავნზე, ყოფილ ავტოსარემონტო სახელოსნოში გაიხსნა და სწრაფად გახდა საყვარელი ადგილი დასვენებისა და გემრიელი იტალიური კერძებისა და სასმელების დასაგემოვნებლად. აქაურ გარე სივრცეში კოპენჰაგენის ცხოვრების მდორე რიტმით დატკბებით.

Fisketorvet  – ეს კოპენჰაგენის ერთ-ერთი უდიდესი სავაჭრო ცენტრია 120-ზე მეტი მაღაზიით, მათ შორის მოდის საცალო ბუტიკებით, ელექტრონიკის მაღაზიებითა და კონცეპტ-მაღაზიებით, ასევე რესტორნებითა და კინოთეატრით.

Field’s – ეს სკანდინავიის უდიდესი სავაჭრო ცენტრია კოპენჰაგენის ორესტადის რაიონში. 140-ზე მეტი მაღაზიით, მათ შორის წამყვანი საერთაშორისო და დანიური ბრენდებით, მოდის ობიექტებით, ელექტრონიკის მაღაზიებითა და ფუდკორტით, „ფილდსი“ ერთი სახურავის ქვეშ ყველა სავაჭრო მოთხოვნილებას დააკმაყოფილებს.

Illum –  ეს კოპენჰაგენში, ევროპის ერთ-ერთ ყველაზე გრძელ ქუჩაზე, სტროგეტზე, მდებარე ცნობილი მოლია. ის გთავაზობთ საერთაშორისო და დანიური მოდის ბრენდების, კოსმეტიკის, სახლის ნივთებისა და დიზაინერული ნივთების დიდ არჩევანს, რომლებიც მრავალფეროვან გემოვნებასა და პრეფერენციებს აკმაყოფილებს.

შოპინგი დაიწყეთ Strøget – დან, ევროპის ყველაზე გრძელი სავაჭრო ქუჩიდან, რომელიც ქალაქის ცენტრში გადის. ეს კარგი ადგილია საყიდლებისთვის, თუ ეძებთ მნიშვნელოვან საერთაშორისო ბრენდებს. კოპენჰაგენში საუკეთესო საშოპინგო გამოცდილებისთვის, არ გამოტოვოთ მის მიმდებარე ქუჩები, განსაკუთრებით მის პარალელურად გამავალი ქუჩა, უნიკალური ბუტიკებითა და ვინტაჟური მაღაზიებით.

Nørrebro  ასევე შესანიშნავი ადგილია უნიკალური ბუტიკებისა და ვინტაჟური მაღაზიების დასათვალიერებლად. ეს სასიამოვნო ადგილია საყიდლებისთვის, სადაც წარმოდგენილია უნიკალური მაღაზიები, მოდის ბუტიკები, საცხობები და მეორადი ნივთების მაღაზიები.

Torvehallerne – ორი დიდი ფოლადისა და მინის დარბაზით, ქალაქის ცენტრში მდებარე მაღალი კლასის ბაზრობა. 2011 წელს გახსნის შემდეგ, ეს კოპენჰაგენის პრემიერ კვების ობიექტია, რომელიც ულამაზეს ურბანული გარემოშია განთავსებული. ის როზენბორგის ციხესიმაგრიდან სულ რამდენიმე კვარტალის დაშორებით მდებარეობს.

Tivoli Food Hall – თუ კოპენჰაგენის ყველაზე ცნობილ გასართობ პარკებთან ახლოს კულინარიულ სრულყოფილებას ეძებთ, ტივოლის სასურსათო დარბაზში მიბრძანდით. ეს სასურსათო დარბაზი გემრიელი საკვების ვარიანტების ნაზავს გთავაზობთ. პიცებიდან და ბურგერებიდან დაწყებული, აზიური კერძებითა და ნამცხვრებით დამთავრებული, ტივოლის სასურსათო დარბაზში ყველა გემოვნების ადამიანისთვის არის რაღაც.

კოპენჰაგენის სატრანსპორტო სისტემას რამდენიმე ხაზი აქვს. მისი ბილეთი უნდა შეიძინოთ ან სადგურზე ან თავად ავტობუსში, მძღოლისაგან. ერთჯერადი ბილეთის საფასური 24 DKN -ს შეადგენს, რაც დაახლოებით 4$-მდეა.

ფეხით სეირნობა კოპენჰაგენში განსაკუთრებული სიამოვნებაა. ქალაქის ცენტრში მარტივად შეძლებთ გადაადგილებას და მისი კულტურული ღირსშესანიშნაობების მონახულებას.

კოპენჰაგენის ბარათი გაძლევთ საშუალებას, დანიის დედაქალაქში საზოგადოებრივი ტრანსპორტით შეუზღუდავად ისარგებლოთ, პლუს 80-ზე მეტ მუზეუმსა და ღირსშესანიშნაობაზე უფასო შესვლაც გეკუთვნით. ის ხელმისაწვდომია 24, 48, 72 და 120 საათის განმავლობაში, ზრდასრულებისთვის 54-133 ევრო ღირს, ხოლო 10-15 წლის ბავშვებისთვის განკუთვნილი ვერსია უფრო იაფია.

ასევე შეგიძლიათ შეიძინოთ City Pass, ციფრული სამგზავრო ბილეთი ასევე შეუზღუდავი მოძრაობის შესაძლებლობით 24, 48, 72, 96 ან 120 საათის განმავლობაში, რომლის ღირებულება 80 დანიურ კრონას შეადგენს 24 საათის განმავლობაში, კოპენჰაგენის 1-4 ზონებში, მათ შორის აეროპორტში, მგზავრობისთვის.

ნავსადგურში შეგიძლიათ წყლის ავტობუსით გადაადგილება. მისი საფასურის გადახდას მხოლოდ ქეშით შეძლებთ. ერთჯერადი ბილეთის ფასი 24 DKR -ს შეადენს, ბავშვებისათვის კი საფასური ნახევრდება.

კოპენჰაგენის ველო-ბილიკებზე მოძრავი ადგილობრივების სურათი ალბათ ბევრჯერ შეგხვედრიათ. ველოსიპედების ქირაობას ტურისტებიც მარტივად შეძლებთ. ეს უნიკალური გამოცდილება არ უნდა გამოტოვოთ კოპენჰაგენში მოგზაურობისას.

ტივოლის ბაღები (Tivoli Gardens) – ერთ-ერთი უძველესი გასართობი ცენტრებია. აქ უამრავი ღონისძიება იმართება ყოველსეზონურად. დანიაში ყოფნისას ვერ მოიწყენთ. ტივოლის ბაღებში გასეირნება მარტო თუ საყვარელ ადამიანებთან ერთად დაუვიწყარ მომენტებს გაჩუქებთ.

ბოტანიკური ბაღი (Botanical Garden) -ბოტანიკური ბაღი დანიის მცენარეების უდიდეს კოლექციას გთავაზობთ.. ეს არის საჯარო მწვანე სივრცე, სადაც შეგიძლიათ სეირნობა და დასვენება, იგი სავსეა იშვიათი ხეებით, ბუჩქებითა და ბალახეულით. გაისეირნეთ და აღმოაჩინეთ 13 000-ზე მეტი სახეობა, მათ შორის: დანიური მცენარეების 600 სახეობა, მრავალწლიანი მცენარეების 1100 სახეობა, ერთწლიანი მცენარეების 1100 სახეობა და სხვა.

ენგჰავეპარკენი (Enghavenparken) – ეს ადგილი ქალაქის ხმაურისაგან თავისუფალი სივრცეა სუფთა ჰაერის ჩასასუნთქად. თავდაპირველად, ის პირველად 1929 წელს დააპროექტეს და სწრაფად გადაიქცა ბუნებრივ კონტრასტად ვიწრო საცხოვრებელი სივრცეების გასწვრივ.

სამეფო ბაღი (King’s Garden) – ასევე ცნობილი როგორც როზენბორგის ბაღი, კოპენჰაგენის ცენტრში მდებარე ულამაზესი და უძველესი სამეფო ბაღია. როზენბორგის სასახლის გვერდით, მისი მშვენიერი გაზონები ზაფხულში პიკნიკისთვის პოპულარული ადგილია, როდესაც უზარმაზარი ყვავილები ყვავილობს.

ფრედერიკსბერგის ბაღი (Frederiksberg Garden) – ამ ულამაზეს ბაღებში შეგიძლიათ დატკბეთ ნავების ყურებით, აქ ხშირად იმართება სხვადასხვა სანახაობები, თავად ბაღი კი ულამაზესია თავისი მრავალფეროვანი მცენარეებისა და ყვავილების დამსახურებით.

ორსტედსპარკენი (Ørstedsparken) – ძველი საფორტიფიკაციო ნაგებობების გასწვრივ, რომლებიც კოპენჰაგენს 1850-იან წლებამდე იცავდა, ახლა მწვანე პარკების რიგს შეხვდებით. ყველა მათგანს აქვს ტბები. ორსტედპარკენი ერთ-ერთი მათგანია. იგი ცნობილი რეკრეაციული სივრცეა ტურისტებისთვის.

გირჩევთ, რომ 3 დღე მაინც გათვალოთ ქალაქის დასათვალიერებლად.

პირველ რიგში, ფრენისათვის საჭირო ნივთების წაღება არ დაგავიწყდეთ, იქნება ეს დოკუმენტები, პასპორტი თუ კომფორტული ბალიში. ასევე, შეამოწმეთ ყველა გაჯეტი და დამტენი. კოპენჰაგენში ბევრი სიარული მოგიწევთ, ამიტომ სპორტული ფეხსაცმელი და კომფორტული ტანსაცმელი აუცილებელია. აქ ცვალებადი ამინდია, ამიტომ უმჯობესი იქნება თუ საწვიმარს ან ქოლგასაც წაიღებთ.

კოპენჰაგენი გამორჩეულია თავისი არქიტექტურული ნაირსახით. აქ შეხვდებით სხვადასხვა ეპოქის ღირსშესანიშნაობებს. ქალაქში არსებული ატმოსფერო ყველას მონუსხავს.

კოპენჰაგენი სხვა ევროპულ ქალაქებთან შედარებით შეიძლება ძვირი მოგეჩვენოთ, მაგრამ შეგიძლიათ ბიუჯეტურად დაგეგმოთ მოგზაურობა, თუ წინასწარ დაჯავშნით ავიაბილეთებს და დასარჩენ ადგილებს.

კოპენჰაგენში უსაფრთხოდ შეძლებთ მოგზაურობას, თუმცა პირად ნივთებთან მაინც ფრთხილად უნდა იყოთ, განსაკუთრებით ტურისტულ ადგილებში.

გვიანი გაზაფხული ან ადრეული შემოდგომა საუკეთესოა კოპენჰაგენში სამოგზაუროდ. ამ დროს ტემპერატურა საოცარია და ქალაქში სეირნობის კარგ შესაძლებლობას მოგცემთ. თუმცა, თუნდაც ცივ სეზონებზეც ქალაქი დაუვიწყარ თავგადასავლებს გპირდებათ.

CPH – კოპენჰაგენის აეროპორტი ქალაქთან ძალიან ახლოს, 6 კილომეტრში მდებარეობს.

კოპენჰაგენის მიმართულებით გაფრენას შეძლებთ საქართველოს სამი აეროპორტიდან: თბილისის, ქუთაისისა და ბათუმის. თბილისიდან და ბათუმიდან მხოლოდ გადაჯდომით ავიარეისებს ნახავთ, ქუთაისიდან კი პირდაპირ შეძლებთ მგზავრობას.

თბილისიდან ფრენებს შემოგთავაზებენ დაბალბიუჯეტური თურქული ავიაკომპანიები Pegasus და Ajet Airlines. ასევე ნახავთ ფრენებს ბერძნული Aegean Airlines-ისა და ლატვიური AirBaltic-ის შესრულებით. ქუთაისიდან პირდაპირ რეისებს შემოგთავაზებთ უნგრული დაბალბიუჯეტური ავიაკომპანია Wizz Air -ის შესრულებით. რაც შეეხება ბათუმს, აქედან კოპენჰაგენში გაფრენას შეძლებთ თურქული Turkish Airlines -ის ავიარეისებით.

გირჩევდით, რომ ავიაბილეთები დაჯავშნოთ 1 ან 2 თვით ადრე. ასევე, უმჯობესია ფრენები შეიძინოთ კვირის დღეებში და არა შაბათ-კვირას. ავიაბილეთების მოსაძებნად გამოიყენეთ ავიაბილეთების საძიებო პლატფორმა Avia.ge , რათა საუკეთესო ფასად ნახოთ ფრენები ამსტერდამში.