ახლო აღმოსავლეთში მიმდინარე ომმა შეიძლება საწვავის ფასების ზრდა გამოიწვიოს, რაც, თავის მხრივ, ავიაბილეთების გაძვირებასაც განაპირობებს.
როგორც The Telegraph იუწყება, საერთაშორისო საჰაერო ტრანსპორტის ასოციაციის (IATA) გენერალურმა დირექტორმა და British Airways -ის ყოფილმა ხელმძღვანელმა, უილი უოლშმა აღნიშნა, არსებობს მყარი კავშირი ნავთობის ფასებსა და ავიაბილეთების ღირებულებას შორის. მისი თქმით, ზაფხულში ნავთობის ფასების შემცირებამ ავიაკომპანიებს საშუალება მისცა, ავიაბილეთების ფასები შეემცირებინათ. თუმცა, რეგიონში არსებული დაძაბულობის ფონზე ეს ტენდენცია იცვლება.
განსაკუთრებული გავლენა იქონია ისრაელის იერიშმა ირანის სამხედრო ობიექტებზე, რის შედეგადაც ნავთობის ფასებმა 8%-ით მოიმატა. ბაზრებმა სიტუაციას მყისიერად უპასუხეს. ანალიტიკოსები Goldman Sachs-იდან აღნიშნავენ, რომ თუ ირანი ორმუზის სრუტეს დაბლოკავს, რომელიც გლობალური ნავთობის მიწოდების დაახლოებით მეხუთედს უზრუნველყოფს, ეს შეიძლება ფასების მკვეთრი ზრდის მიზეზი გახდეს.
მაკგილის უნივერსიტეტის ავიაციის სპეციალისტი, ჯონ გრედეკი განმარტავს, რომ თუ რეაქტიული საწვავის ფასი 10-20%-ით მოიმატებს, ავიაკომპანიები სერიოზულ ფინანსურ წნეხს განიცდიან. IATA-ს მონაცემებით, ავიაციის სფეროში საწვავის ხარჯები მთლიანი შემოსავლების თითქმის მესამედს შეადგენს.
პირდაპირი ფრენები ქუთაისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| ალმაატა | 8 ივლისი 2026 | 22 ივლისი 2026 |  | ავიაბილეთები 862 -დან |
| ათენი | 20 მარტი 2026 | 23 მარტი 2026 |  | ავიაბილეთები 176 -დან |
| ბარსელონა | 2 თებერვალი 2026 | 6 თებერვალი 2026 | | ავიაბილეთები 378 -დან |
| ბერლინი | 25 იანვარი 2026 | 29 იანვარი 2026 | | ავიაბილეთები 237 -დან |
| ბრიუსელი | 25 იანვარი 2026 | 8 თებერვალი 2026 | | ავიაბილეთები 280 -დან |
| ბრატისლავა | 14 იანვარი 2026 | 16 იანვარი 2026 | | ავიაბილეთები 201 -დან |
| ბუდაპეშტი | 28 მარტი 2026 | 11 აპრილი 2026 | | ავიაბილეთები 221 -დან |
| დორტმუნდი | 24 იანვარი 2026 | 3 თებერვალი 2026 | | ავიაბილეთები 244 -დან |
| მემინგენი | 19 თებერვალი 2026 | 24 თებერვალი 2026 | | ავიაბილეთები 199 -დან |
| ფრანკფურტი | 30 იანვარი 2026 | 9 თებერვალი 2026 | | ავიაბილეთები 202 -დან |
ამჟამად ბევრი ავიაკომპანია იყენებს ჰეჯირების მეთოდს – საწვავის ფასებს წინასწარ აფიქსირებს, რათა ბაზრის რყევისგან დაიცვას თავი. მაგალითად, Ryanair-მა გაზაფხულზე არსებული დაბალი ფასები გამოიყენა და საწვავის მარაგი სამი წლით წინასწარ შეიძინა.
The Telegraph-ის ინფორმაციით, 2022 წელს საწვავის ფასების ზრდის ფონზე, ისეთმა ავიაკომპანიებმა, როგორიცაა Emirates, AirAsia და Japan Airlines, ავიაბილეთებზე დამატებითი გადასახადი დააწესეს, რაც დაახლოებით 10%-ს შეადგენდა. სხვებმა კი ავიაბილეთების გაძვირების ნაცვლად მარშრუტების შემცირებისა და ხარჯების ოპტიმიზაციის გზას მიმართეს.
შეგახსენებთ, რომ 13 ივნისის ღამეს ისრაელმა განახორციელა იერიში ირანის ბირთვულ ობიექტებზე, რასაც სამხედრო დაპირისპირების ესკალაცია მოჰყვა. რამდენიმე ქვეყანამ, მათ შორის ლიტვამ, ბულგარეთმა, ჩეხეთმა და პოლონეთმა, უკვე გამოაცხადა მზადყოფნა საკუთარი მოქალაქეების ევაკუაციისთვის.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
