აია ნაპა – მარტივი გზამკვლევი მოგზაურობის დაგეგმვისთვის

ძველი ქალაქი (Old Town) – აია ნაპას ძველი ქალაქი შესანიშნავი ადგილია მათთვის, ვინც პირველად სტუმრობს ქალაქს. ქალაქის ცენტრში ყოფნა მოგცემთ პირდაპირი წვდომას მის ყველა ღირსშესანიშნაობაზე, რესტორანსა და მაღაზიაზე, რაც საკმაოდ მოსახერხებელს გახდის მოგზაურობას.

ნისი სანაპირო (Nissi Beach) – აია ნაპას ეს სანაპირო ყველაზე ცნობილია. იგი ქალაქის ცენტრთან ძალიან ახლოს მდებარეობს. მის ახლომახლო დარჩენა ძალიან კარგი ვარიანტი იქნება, რადგან აქ დღისით მშვიდი ატმოსფეროა, ღამით კი უამრავი შესაძლებლობაა გართობისთვის. აქაურ რესტორნებში კი ადგილობრივი თუ საერთაშორისო კულინარიული შედევრების დაგემოვნებას შეძლებთ.

პროტარას (Protaras) – ერთ-ერთი ულამაზესი ადგილი აია ნაპაზე. აქ ქალაქის ცნობილი სანაპიროები, მაგალითად მწვანე სანაპირო და ლეღვის სანაპირო დაგხვდებათ. პროტარას ტერიტორიაზე კართობას და დასვენებას კარგად შეძლებთ.

მაკრონოსის სანაპირო (Makronissos Beach) – აია ნაპას ერთ-ერთი ყველაზე პოპულარული სანაპირო. მის ტერიტორიაზე უამრავ კეთილმოწყობილ სივრცეს, კომფორტულ სასტუმროებსა და ბიუჯეტურ ვარიანტებს ნახავთ.

აია თეკლა (Ayia Thekla) – ეს უბანი შედარებით მშვიდია. იგი ქალაქის ცენტრიდან ოდნავ მოშორებით მდებარეობს. აქ რამდენიმე ცნობილი სანაპირო დაგხვდებათ და კომფორტულად დასვენებას შეძლებთ.

ხმელთაშუა ზღვის ფსკერზე, აია ნაპას წყალქვეშა ქანდაკებების მუზეუმში (MUSAN) წარმოდგენილია ბრიტანელი მოქანდაკის, ჯეისონ დეკაირს ტეილორის, 90-ზე მეტი ხელოვნების ნიმუში. იგი ხშირად მოიხსენიება, როგორც „წყალქვეშა ტყე“, რომელიც სავსეა ხეების, ადამიანებისა და ჰიბრიდების ქანდაკებებით.

აია ნაპას ნავსადგური შესანიშნავი ადგილია სასეირნოდ, ზღვის პროდუქტების გასასინჯად, რესტორნისა და ბარების მოსანახულებლად. აქ ღია ცის ქვეშ დასაჯდომი ადგილებია განთავსებული და სათევზაო ნავების დათვალიერება შეგიძლიათ. აია ნაპას ნავსადგური ქალაქის მთავარი პორტი და რეგიონში ნავით ტურისტების მთავარი გამგზავრების წერტილია.

კეიპ გრეკოს კიდეზე სიყვარულის ხიდი ბუნებრივი კლდის თაღია, რომელიც წყალშია გადაჭიმული. ადგილობრივი ლეგენდის თანახმად, თუ თქვენ და თქვენი საყვარელი ადამიანი ხიდზე გახვალთ, ერთმანეთს აკოცებთ და სურვილს ჩაიფიქრებთ, სურვილი აუცილებლად ახდება.

კაპო გრეკოზე, კლდის პირას მდებარე წმინდა ანარგიროს კოზმასა და დამიანესადმი მიძღვნილი პატარა, მშვენიერი ეკლესიაა. მიუხედავად იმისა, რომ ეკლესია იშვიათად არის ღია, ბევრი ადამიანი მაინც მოდის აქ, რათა აღფრთოვანდეს მიმდებარე ზღვით. ეკლესიიდან ულამაზესი ხედები იშლება.

AVRA Authentic Cypriot Kitchen – მდებარეობს აია ნაპას ცენტრში, ამიტომ მას მარტივად მიაგნებთ. მის მენიუში შედის ტრადიციული კვიპროსული სამზარეულოს ულუფები, რომლებიც მყუდრო და ოჯახურ გარემოში მზადდება. დღის განმავლობაში აქ მსუბუქი კვიპროსული მუსიკა უკრავს, კვირაში ერთხელ კი ცოცხალი მუსიკაც დაგხვდებათ.

Napa Tavern – აია ნაპას პირველი ტავერნა. იგი კვიპროსში 1932 წლით დათარიღებულ ტრადიციულ სახლში მდებარეობს და შიდა და გარე სასადილო სივრცეებით გამოირჩევა. გარე სასადილო სივრცეები პატარა ვენახშია განთავსებული, სადაც დიდი ბუხარი გრილ თვეებში რესტორანს ათბობს.

En Yevo Tavernaki – მორგებულია ხმელთაშუა ზღვის სამზარეულოზე. მათ მენიუზე ბერძნულ გავლენას აუცილებლად შეამჩნევთ. ფართო სასადილო სივრცე და საშუალო ფასები მას საკმაოდ პოპულარულს ხდის აია ნაპას ადგილობრივ მოსახლეობაში. კერძები ყოველდღიურადად მზადდება ადგილობრივი წარმოშობის ინგრედიენტებით.

STAMNA TAVERN – ყველაზე ცნობილი ტავერნა აია ნაპაზე. აქ ბერძნული კერძების მთელი ასორტიმენტი დაგხვდებათ. ტავერნაში უგემრიელეს სუვლაკებს ნახავთ, მათ შორის ვეგეტარიანულსაც.

Kota Greek Souvlaki – მყუდრო ატმოსფერო და აქაური საფირმო სუვლაკები სანაპიროზე ყოფნის შემდეგ განსატვირთად იდეალურია.

Taverna Napa est.1976 – ამ ტავერნაში კულინარია ხელოვნების დონეზე აქვთ აყვანილი. აქ დააგემოვნებთ უგემრიელეს სუვლაკებსა და ხმელთაშუა ზღვის კერძებს. შეგიძლიათ გასინჯოთ ვეგეტარიანული კერძებიც.

iPANEMA Lounge Bar – ეწვიეთ აია ნაპას ცნობილ ბარს მის სანაპიროებზე სეირნობისას, დატკბით ხმელთაშუა ზღვიდან მონაბერი სიოთი და დააგემოვნეთ ადგილობრივი ბარმენებისაგან შემოთავაზებული კოქტეილები.

Isola Beach Bar – დღის განმავლობაში აქ ყავასა და გამაგრილებელ სასმელებს მიირთმევთ, საღამოობით კი ალკოჰოლური კოქტეილებითაც გაგანებივრებენ ბარმენები. ეს ბარი ნისი სანაპიროზე, აია ნაპას ყველაზე ტურისტულ ადგილას, მდებარეობს.

Riva Beachouse – ეს ბარ-რესტორანი მყუდრო გარემოს, გემრიელ კერძებსა და სასმელებს დაგახვედრებთ. აქ სასიამოვნო საღამოს გატარებას შეძლებთ.

Plaza – ქალაქის ცენტრში მდებარე შენობაში უამრავი სუვენირებისა თუ სასაჩუქრე მაღაზიაა, სადაც ტურისტებისთვის მაისურებს, ნაქარგ ფეხსაცმელსა და უცნაურ წვრილმანებს ყიდიან.

Stathis Shopping Center –  სავაჭრო ცენტრი სუვენირების, საკვების, ალკოჰოლური სასმელების და ყოველდღიური მოხმარების ნივთების ფართო არჩევანს გთავაზობთ. ქალაქის უმეტესი მაღაზიის მსგავსად, ეს სავაჭრო ცენტრიც იმ ვიზიტორებისთვისაა განკუთვნილი, რომლებიც სახლში წასაღებ საჩუქრებსა და ადგილობრივ პროდუქტებს ეძებენ. ადგილობრივი ღვინის, იმპორტირებული სპირტიანი სასმელების და ადგილობრივი საჭმლის ფართო არჩევანის გარდა, ქალბატონებისთვის ასევე არის ჩანთები და ბერძნული კოსმეტიკა, ხოლო ბავშვებისთვის და უფროსებისთვის – სახალისო, უჩვეულო საჩუქრები მისაღებ ფასებში.

Ayia Thekla Market – აია ნაპას დასავლეთით, აია თეკლას სანაპიროზე მდებარე აია თეკლას ბაზარს ბრიტანელი ემიგრანტების ჯგუფი მართავს. ზაფხულში ამ ბაზარზე დაახლოებით 50 დახლია განთავსებული, სადაც უცხოელი და ადგილობრივი გამყიდველები საქონლის ფართო ასორტიმენტს ყიდიან. ტურისტები აქ მოდიან წვრილმანების, წიგნების, მეორადი საყოფაცხოვრებო ტექნიკისა და ელექტრონიკის დაბალ ფასებში შესაძენად. აქ ასევე იმპორტირებული თევზის, ადგილობრივი ფერმიდან მოწოდებული ახალი ხილისა და ბოსტნეულის ყიდვასაც შეძლებთ.

Nissi Avenue – აია ნაპას ცენტრში მდებარეობს და ერთ-ერთი ყველაზე დატვირთული სავაჭრო ქუჩაა. ეს ქუჩა სავსეა მოდის ბუტიკებით, საიუველირო და სუვენირების მაღაზიებით, რაც ტურისტებს ძალიან იზიდავს.

Makarios Avenue – აია ნაპას ხმაურიანი სავაჭრო ქუჩაა, სადაც საერთაშორისო მაღაზიები და ფუფუნების ბუტიკებია განთავსებული. აქ ასევე ნახავთ ცნობილი ბრენდების მაღაზიებს. თუმცა, თუ ადგილობრივ პროდუქტებს ეძებთ, აქ არის სპეციალური მაღაზიები, სადაც ასევე იყიდება ადგილობრივი წარმოების ზეითუნის ზეთი, ხელნაკეთი ტყავის ნაწარმი და სუვენირები.

ქალაქში გადაადგილების ყველაზე პოპულარული საშუალება ავტობუსია. ავტობუსით ყველაზე იაფად შეძლებთ აია ნაპაში სიარულს. ერთჯერადი ბილეთის ფასი მერყეობს €1.50-დან €2.50-მდე. დღიურ ბილეთს კი 5 ევროდ შეიძენთ. ავტობუსები ყოველ 15-20 წუთში მოგემსახურებათ.

ტაქსით გადაადგილება კომფორტული მგზავრობის მოყვარულებისთვისაა, თუმცა გაითვალისწინეთ, რომ მარშრუტების ფასი €10-€15-დან იწყება. ტაქსის პოპულარული აპლიკაციაა Bolt.

აია ნაპა ის ქალაქია, სადაც გაადადგილება ფეხით ძალიან მარტივია. სანაპირო ზოლსა თუ ღირსშესანიშნაობების მოსანახულებლად ფეხით სიარული სწრაფი, მარტივი და სასიამოვნო გადაადგილების საშუალებაა.

მაკრონისოს სანაპირო (Makronissos Beach) – აია ნაპას ერთ-ერთი ყველაზე პოპულარული სანაპირო ზოლი. ის სამი სანაპიროსაგან შედგება – გრძელი მთავარი მონაკვეთს ორი პატარა ყურე აკრავს. მას ოქროსფერი ქვიშა და წყნარი, სუფთა ტალღები აია ნაპაში დასვენებისთვის ერთ-ერთ საუკეთესო ადგილად აქცევს. აქვე ნახავთ შეზლონგებსა და პლაჟის ბარებს. საშუალება გექნებათ გამოსცადოთ წყლის სპორტის სახეობები, ჰიდროციკლით და პარაშუტით დაწყებული,  ვინდსერფინგითა და პადლბორდინგით დამთავრებული.

ლეღვის სანაპირო (Fig Tree Bay) – აია ნაპასთან ახლოს მდებარე სანაპირო. იგი ცნობილია, როგორც ევროპაში მესამე საუკეთესო სანაპირო. აია ნაპა ამ სანაპიროს მონახულების გარეშე არ უნდა დატოვოთ.

აია თეკლას სანაპირო (Ayia Thekla Beach) – აია ნაპას ცნობილ უბანში სანაპირო ზოლი. იგი მშვიდი გარემოთი და კრისტალური წყლით გამოირჩევა. აქ აია ნაპას ულამაზესი ბუნება კარგად ერწყმის ზღვასა და მშვიდ ატმოსფეროს.

ნისი სანაპირო (Nissi Beach) – ეს კუნძული კვიპროსის ერთ-ერთი ყველაზე ცნობილი პლაჟია. ის ქალაქის ცენტრიდან რამდენიმე წუთის სავალზეა და ადვილად მისადგომია როგორც მანქანით, ასევე საზოგადოებრივი ტრანსპორტით. პლაჟი ყურეში მდებარეობს, ამიტომ აქ წყალი მშვიდი და არაღრმაა. ზღვა ძალიან სუფთაა, ამიტომ აუცილებლად თან იქონიეთ საცურაო კოსტუმები და სათანადო აქსესუარები ფერადი წყლის არსებების დასათვალიერებლად.

კონოსის სანაპირო (Konnosi Beach) – აია ნაპადან რამდენიმე წუთით სასიარულოა ტრანსპორტით. იგი ცნობილია თავისი კრისტალური წყლითა და ულამაზესი გარემოთი.

ლიმანაკის სანაპირო (Limanaki Beach) – ოქროს ქვიშიანი სანაპირო. აქ წყალი ძალიან შორ მანძილამდე მხოლოდ მუხლებამდეა, შესაბამისად ეს სანაპირო რეკომენდებულია ოჯახთან ერთად დასვენებისას.

აია ნაპას აკვაპარკი (Ayia Napa Waterpark) – აია ნაპას აკვაპარკი საერთაშორისოდ აღიარებული და დაჯილდოებულია. იგი მდებარეობს აია თეკლას ქუჩაზე, აია ნაპას დასავლეთ ნაწილში. ძველი ბერძნული მითოლოგიით შთაგონებული აკვაპარკი უნიკალურ გამოცდილებას გთავაზობთ. მისი თემატური დიზაინი ბერძნულ პერსონაჟებს მარტივი, მაგრამ რეალისტური გზით აცოცხლებს, რომლებიც წყლის ატრაქციონებზე, დასასვენებელ ზონებსა და სხვადასხვა გასართობ ზონაში არიან წარმოდგენილი. ეს მითოლოგიური ელემენტები ქმნის ინტერაქტიულ და ვიზუალურად მიმზიდველ ატმოსფეროს.

პროტარას აკვარიუმი (Ocean Aquarium Protaras) – შეაბიჯეთ წყალქვეშა თავგადასავლების სამყაროში პროტარასის ოკეანის აკვარიუმში. აქ 1000-ზე მეტი მომხიბვლელი სახეობა დაგხვდებათ, მათ შორის პირანიებ, კუები, ნიანგები და პინგვინები – ეს აკვარიუმი ყველასთვის საინტერესო სიამოვნებას გთავაზობთ.

კიჰერბიას ბოტანიკური ბაღი (Cyherbia Botanical Garden) – კიჰერბიას ბოტანიკური პარკი აია ნაპადან 40 კმ-ში მდებარეობს. ეს არის დიდი, მშვენიერი ბაღი, სავსე სამკურნალო მცენარეებითა და ყვავილებით, მცენარეების საოცარი სამყარო. ეს მყუდრო ბაღი ფაქტობრივად სამოთხეა დედამიწაზე. აია ნაპაში მოგზაურობისას მას აუცილებლად უნდა ეწვიოთ.

პალიაცოს პარკი (Parko Paliatso) – აია ნაპაში მდებარე პალიაცოს პარკი კუნძულის უდიდესი გასართობი პარკია. აქ 25-ზე მეტი ატრაქციონია. ერთ-ერთი მთავარი ღირსშესანიშნაობაა Sling Shot – ევროპაში ყველაზე მაღალი ატრაქციონი. ასევე გამოსცადეთ 45 მეტრის სიმაღლის გიგანტური ბორბალი, რომელიც ყველა ასაკის ადამიანს განსაცვიფრებელ ხედებსა და გართობას სთავაზობს.

აია ნაპას სკულპტურების პარკი (Sculpture Park Ayia Napa) – აია ნაპას ქანდაკებების პარკი ღია ცის ქვეშ არსებული ქანდაკებების მუზეუმია. აქ წარმოდგენილია როგორც დიდი, ასევე პატარა ხელოვნების ნიმუშები, რომლებიც შექმნილია მსოფლიოს სხვადასხვა კუთხიდან ჩამოსული 40-ზე მეტი მოქანდაკის მიერ.

გირჩევთ 5-7 დღე გათვალოთ აია ნაპაზე დასასვენებლად, რათა კარგად მოასწროთ მისი სანაპიროებით, ადგილობრივი კულინარიითა თუ ლამაზი ატმოსფეროთი ტკბობა.

პირველ რიგში, ფრენისათვის საჭირო ნივთების წაღება არ დაგავიწყდეთ, იქნება ეს დოკუმენტები, პასპორტი თუ კომფორტული ბალიში. ასევე, შეამოწმეთ ყველა გაჯეტი და დამტენი. აია ნაპაში ბევრი სანაპირო ზოლი დაგხვდებათ, ამიტომ არ დაგავიწყდეთ საცურაო კოსტიუმების წაღებაც. წყლის აქტივობების მოყვარულებს კი შესაბამისი აღჭურვილობა არ დაგრჩეთ.

მისი ულამაზესი სანაპიროებით. თუმცა, გარდა ამისა ქალაქი ისტორიული მნიშვნელობისაცაა.

აია ნაპაში მოგზაურობა საკმაოდ იაფია ევროპის სხვა ქალაქებთან შედარებით. თუ წინასწარ დაგეგმავთ მოგზაურობას, კიდევ უფრო ბიუჯეტურად შეძლებთ ავიაბილეთების შეძენასა და სასტუმროს ნომრების დაჯავშნას.

აია ნაპაში მოგზაურობა ტურისტებისთვის უსაფრთხოა, თუმცა პირად ნივთებს უნდა მოუფრთხილდეთ და მიაქციოთ ყურადღებას.

ზაფხული საუკეთესო დროა აია ნაპაში სამოგზაუროდ, რათა მზიან ამინდებში კარგად დაისვენოთ მის ლამაზ სანაპიროებზე.

LCA – ლარნაკას აეროპორტი ქალაქთან ყველაზე ახლოს მდებარეობს.

აია ნაპაში დასვენებისათვის უნდა ჩაფრინდეთ ლარნაკას აეროპორტში. ლარნაკაში გაფრენას შეძლებთ თბილისის, ქუთაისისა და ბათუმის საერთაშორისო აეროპორტიდან. თბილისიდან და ქუთაისიდან პირდაპირი ავიარეისებით გამგზავრებას შეძლებთ, ბათუმიდან კი მხოლოდ გადაჯდომით.

თბილისიდან ლარნაკას მიმართულებით შემოგთავაზებთ Georgian Airways-ის, Aegean Airlines -ის, Lot-ისა და სხვა ავიაკომპანიის ავიაბილეთებს. აქედან საქართველოს ავიახაზები პირდაპირ ფრენებს შემოგთავაზებთ. ქუთაისიდან კი პირდაპირი რეისით გამგზავრებისთვის შემოგთავაზებთ დაბალბიუჯეტური ავიაკომპანია Wizz Air -ის ფრენებს.

გირჩევდით, რომ ავიაბილეთები დაჯავშნოთ 1 ან 2 თვით ადრე. ასევე, უმჯობესია ფრენები შეიძინოთ კვირის დღეებში და არა შაბათ-კვირას. ყველაზე იაფი ფასის მისაღებად კი ეწვიეთ საძიებო პლატფორმა Avia.ge -ს.