ქუთაისის საერთაშორისო აეროპორტმა 2025 წლის აპრილში ახალი რეკორდი დაამყარა – ერთ თვეში აეროპორტმა 145,137 მგზავრს უმასპინძლა, რაც ამ პერიოდისთვის ისტორიულ მაქსიმუმს წარმოადგენს. აღნიშნული მონაცემები საქართველოს აეროპორტების გაერთიანებამ გამოაქვეყნა.
2024 წლის ანალოგიურ პერიოდთან შედარებით, მგზავრთა რაოდენობა 49%-ით გაიზარდა (2024 წლის აპრილი – 97,220 მგზავრი), ხოლო რეისების რაოდენობამ 28%-ით მოიმატა (2024 წლის აპრილი – 330 რეისი).
იანვრიდან აპრილის ჩათვლით, ქუთაისის აეროპორტი 506,564 მგზავრს და 1,533 რეისს მოემსახურა, რაც წინა წლის იმავე პერიოდის მაჩვენებელს (495,235 მგზავრი) 2.3%-ით აღემატება, ხოლო რეისების რაოდენობა სტაბილურად შენარჩუნდა.
პირდაპირი ფრენები ქუთაისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| ალმაატა | 13 სექტემბერი 2025 | 20 სექტემბერი 2025 |  | ავიაბილეთები 715 -დან |
| ათენი | 19 ნოემბერი 2025 | 26 ნოემბერი 2025 |  | ავიაბილეთები 322 -დან |
| აბუ დაბი | 5 აგვისტო 2025 | 15 აგვისტო 2025 |  | ავიაბილეთები 280 -დან |
| ბარსელონა | 27 ოქტომბერი 2025 | 7 ნოემბერი 2025 | | ავიაბილეთები 726 -დან |
| ბერლინი | 10 აგვისტო 2025 | 17 აგვისტო 2025 | | ავიაბილეთები 686 -დან |
| ბრიუსელი | 3 აგვისტო 2025 | 14 აგვისტო 2025 | | ავიაბილეთები 818 -დან |
| ბუდაპეშტი | 30 დეკემბერი 2025 | 8 იანვარი 2026 | | ავიაბილეთები 350 -დან |
| დორტმუნდი | 22 ნოემბერი 2025 | 29 ნოემბერი 2025 | | ავიაბილეთები 530 -დან |
| მემინგენი | 20 ნოემბერი 2025 | 27 ნოემბერი 2025 | | ავიაბილეთები 339 -დან |
| ფრანკფურტი | 18 აგვისტო 2025 | 22 აგვისტო 2025 | | ავიაბილეთები 808 -დან |
საქართველოს აეროპორტების გაერთიანების ხელმძღვანელი ლევან მოსეშვილი აღნიშნავს, რომ ზაფხულის სეზონზე მგზავრთა რაოდენობის ზრდის მოლოდინი კიდევ უფრო ოპტიმისტურია. მისი თქმით, აპრილიდან ქუთაისიდან განახლდა პირდაპირი ფრენები მადრიდის და ჰამბურგის მიმართულებით, ხოლო 3 ივნისიდან დაემატება სრულიად ახალი მიმართულება – ლიონი, რაც განსაკუთრებით საინტერესოა ქართული ფეხბურთის ქომაგებისთვის. პარალელურად, დაგეგმილია უკვე არსებული რეისების სიხშირის ზრდაც.
ამჟამად, დავით აღმაშენებლის სახელობის აეროპორტიდან 6 ავიაკომპანია რეგულარულად ახორციელებს პირდაპირ ფრენებს 18 ქვეყნის 33 ქალაქის მიმართულებით, აქედან 24 ევროპის სხვადასხვა ქალაქია.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
