2025 წლიდან თბილისის საერთაშორისო აეროპორტმა მნიშვნელოვან წარმატებას მიაღწია – იგი 8 ახალმა ავიაკომპანიამ აირჩია. როგორც TAV Georgia-ს გენერალურმა მენეჯერმა თეა ზაქარაძემ აღნიშნა, განსაკუთრებული სიამაყის საფუძველს იძლევა ის ფაქტი, რომ მათ შორის არის ბრიტანეთის ერთ-ერთი ყველაზე მსხვილი და პრესტიჟული ავიაკომპანია – British Airways.
მისი განცხადებით, 2025 წელს თბილისის აეროპორტში ოპერირება დაიწყო/იწყებენ შემდეგი ავიაკომპანიები:
- British Airways
- EasyJet
- Transavia France
- Edelweiss Air
- Fly Khiva
- Samair/Air Samarkand
- Tezjet
- Air Serbia
როგორც იცით, British Airways-მა უკვე შეასრულა თავისი პირველი ფრენა, Airbus A320neo ტიპის თვითმფრინავით, ლონდონის ჰითროუს აეროპორტიდან თბილისის საერთაშორისო აეროპორტში. პირდაპირი რეისები თბილისსა და ლონდონს შორის კვირაში ოთხჯერ განხორციელდება.
ფრენები ასევე დაიწყო დაბალბიუჯეტურმა ავიაკომპანია EasyJet -მაც, რომელმაც სამი სხვადასხვა მიმართულებიდან შემოგვთავაზა რეისები, ესენია – მილანი, ლონდონი და ჟენევა.
ავიაკომპანია Transavia France 9 აპრილიდან დაიწყებს ფრენებს პარიზი თბილისის მიმართულებით, ხოლო Edelweiss კი საქართველოს ავიაბაზარს 12 აპრილიდან შემოუერთდება და თბილისიდან ციურიხში იფრენს.
პირდაპირი ფრენები თბილისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| სოჭი | 26 დეკემბერი 2026 | 24 თებერვალი 2027 |  | ავიაბილეთები 155 -დან |
| ალმათი | 16 ნოემბერი 2026 | 22 ნოემბერი 2026 |  | ავიაბილეთები 979 -დან |
| ამსტერდამი | 19 აგვისტო 2027 | 26 აგვისტო 2027 |  | ავიაბილეთები 831 -დან |
| ანკარა | 21 ნოემბერი 2026 | 28 ნოემბერი 2026 |  | ავიაბილეთები 345 -დან |
| ათენი | 29 ნოემბერი 2026 | 10 იანვარი 2027 |  | ავიაბილეთები 450 -დან |
| აბუ-დაბი | 28 ოქტომბერი 2026 | 31 ოქტომბერი 2026 |  | ავიაბილეთები 835 -დან |
| ანთალია | 29 ოქტომბერი 2026 | 14 ნოემბერი 2026 |  | ავიაბილეთები 231 -დან |
| ბაჰრეინის კუნძული | 22 ოქტომბერი 2026 | 5 ნოემბერი 2026 |  | ავიაბილეთები 1 387 -დან |
| ბაქო | 23 ოქტომბერი 2026 | 4 ნოემბერი 2026 |  | ავიაბილეთები 627 -დან |
| ბელგრადი | 20 ნოემბერი 2026 | 21 ნოემბერი 2026 |  | ავიაბილეთები 561 -დან |
თეა ზაქარაძის თქმით, ეს სიახლე მნიშვნელოვნად ზრდის როგორც მგზავრთა შესაძლებლობებს, ისე აეროპორტის საერთაშორისო რეპუტაციას. მისი თქმით, ასეთი დონის ავიაკომპანიის მომსახურება დიდ პატივთან ერთად გამოწვევაც არის TAV Georgia-სთვის. კომპანია აქტიურად ახორციელებს ინვესტიციებს ინფრასტრუქტურასა და ადამიანურ რესურსებში, რაც მიზნად ისახავს მომსახურების ხარისხის გაუმჯობესებას და ახალი პარტნიორების მოზიდვას.
2024 წელს თბილისის საერთაშორისო აეროპორტი 4.7 მილიონზე მეტმა მგზავრმა აირჩია. გაიზარდა როგორც მგზავრთნაკადი, ისე საერთაშორისო ინტერესიც. ამჟამად უკვე დამატებულია 13 ახალი მიმართულება.
TAV Georgia საქართველოს ბაზარზე უკვე 20 წელია მოქმედებს და ამ დროის განმავლობაში, თბილისისა და ბათუმის აეროპორტების განვითარებაში დაახლოებით 230 მილიონი დოლარის ინვესტიცია განახორციელა. კომპანიის გუნდში დღეს 1700-ზე მეტი თანამშრომელია დასაქმებული.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
[…] […]