ბელვედერეს მუზეუმი, ვენა

ბელვედერეს სასახლე ვენის ყველაზე ცნობილი ღირსშესანიშნაობაა. სასახლე ორი ბაროკოს სტილის შენობისაგან შედგება. ისინი ცნობილი მუზეუმებია და მსოფლიო დონის კოლექციებს ინახავს. ბელვედერეს სასახლეში ნახავთ ულამაზეს ორანჟერიასაც.

ბელვედერეს მუზეუმებში ნახავთ ისეთი ცნობილი მხატვრების ნამუშევრებს, როგორებიც არიან: გუსტავ კლიმტი, ეგონ შილე, კასპარ დევიდ ფრიდრიხი და სხვა. კლიმტის 24 ნახატი მუზეუმის ზედა შენობაში ინახება, მათ შორის ყველაზე ცნობილი “კოცნა”, რომლის სანახავადაც მუდამ რიგები დგას. ქვედა შენობაში კი უფრო მეტად ქრისტიანულ მხატვრობას ნახავთ, ძირითადად შუასაუკუნეების. სრულ რეკომენდაციას გავუწევდით მუზეუმის ორივე შენობის დათვალიერებას, მისი სარკეებიანი დარბაზი კი ფაქტობრივად ცალკე ღირსშესანიშნაობაა. მუზეუმებიდან გამოსულებს კი შეგეძლებათ სასახლის ბაღში გასეირნება და დასვენება. ამ ბლოგში მუზეუმისა და მისი ტურების შესახებ ინფორმაციას შემოგთავაზებთ.