აკროპოლისის მუზეუმი მსოფლიოში ერთ-ერთი უმნიშვნელოვანესი სივრცეა. აქ თავმოყრილია ის არტეფაქტები, რომლებიც აკროპოლისის ტერიტორიაზე იქნა აღმოჩენილი არქეოლოგიური გათხრების შედეგად. შესაბამისად, აქაური მასალა ინახავს ინფორმაციას ძველ საბერძნეთზე, ბერძნების ყოველდღიურ ცხოვრებასა და კულტურულ და ეკონომიკურ მდგომარეობაზე.
აკროპოლისის მუზეუმი საზოგადოებისათვის 2009 წელს გაიხსნა და 4 500 ექსპონანტით წარსდგა. მათ შორის, აქ ინახება ბრიტანეთის მუზეუმიდან გამოთხოვილი დიდებული ბერძნული სკულპტურები. იქამდეც, მე-20 საუკუნეშიც აკროპოლისის ძველი მუზეუმი ფუნქციონირებდა, თუმცა თანამედროვე მუზეუმი გაცილებით დიდ მასალას ინახავს და უფრო მრავალფეროვან ინფორმაციას გვაწვდის ანტიკურ დროზე.
აკროპოლისის მუზეუმში თავმოყრილია ბრინჯაოს ხანიდან დაწყებული ბიზანტიურ ეპოქამდე არტეფაქტები. აქაურობა სხვადასხვა კულტურის მკვლევრებისათვის საინტერესო არეალია. მუზეუმი აკროპოლისთან ახლოს მდებარეობს, ამიტომ ორი კულტურული ძეგლის ნახვას ერთ დღეში თავისუფლად მოასწრებთ. თუმცა, თავად მუზეუმისათვის დიდი დრო გამოყავით, რადგან აქაურობა აუცილებლად კარგად უნდა შეისწავლოთ. ძველი ნივთები ფაქტობრივად თვალწინ გადაგიშლით ბერძნულ საიდუმლოებებს. ამ ბლოგში კი გაეცნობით მნიშვნელოვან დეტალებს აკროპოლისის მუზეუმში ვიზიტისათვის და გაგიმარტივებთ მოგზაურობის დაგეგმვის პროცესს.
