აგორა საბერძნეთის ერთ-ერთი გამორჩეული ღირსშესანიშნაობაა. იგი აკროპოლისის ჩრდილოეთ ნაწილში მდებარეობს. აგორა ანტიკურ პერიოდში მნიშვნელოვან ფუნქციას ასრულებდა საბერძნეთისათვის. იგი წარმოადგენდა ადგილობრივების შეკრების ადგილს. ბერძნები აქ საქონელს ცვლიდნენ, ვაჭრობდნენ, განიხილავდნენ პოლიტიკურ და ფილოსოფიურ საკითხებს.
აგორას ტერიტორიაზე ძველად თუ საჭირბოროტო საკითხებზე პოლემიკა იმართებოდა, ახლა აქ ტურისტები იკრიბებიან და ანტიკური საბერძნეთის ცოცხალი არტეფაქტებით ტკბებიან. აგორას ტერიტორიაზე ბერძნები აღასრულებდნენ რელიგიურ რიტუალებსაც. სოციალური, რელიგიური თუ კულტურული თავშეყრის ეს ადგილი ყოველთვის დაწინაურებულ ადგილს წარმოადგენდა ათენის ისტორიაში. დღეს იგი დემოკრატიის სიმბოლოდ ითვლება. ამ ბლოგში ჩვენ შემოგთავაზებთ ამ უდიდეს ღირსშესანიშნაობაზე ინფორმაციას. აქ წაიკითხავთ აგორას მოსანახულებლად საჭირო დეტალებს.
