აია სოფიას ტაძარი ბიზანტიური მე-6 საუკუნის ძეგლია. იგი იმპერიის ოქროს ხანის დროს, იუსტინიანე პირველის მმართველობისას აშენდა. აია სოფიას ტაძარი დროთა განმავლობაში ისლამურ მეჩეთად გადაკეთდა.
აია სოფიას ტაძარი ნებისმიერ მნახველზე მოახდენს შთაბეჭდილებას. იგი ბრწყინვალე არქიტექტურული სტილითაა შესრულებული. მისი გრანდიოზული გუმბათი და სვეტები შორი მანძილიდანაც კი აღმაფრთოვანებელია. ტაძრის შიგნით კი განათებების დამსახურებით ტაძარში ჰარმონია და სიმშვიდე სუფევს.
აია სოფიას წინ მე-17 საუკუნეში სულთანი აჰმედის ბრძანებით დიდი ისლამური მეჩეთი აშენდა, რათა მისი დიდებულება გადაფარულიყო და დაემტკიცებინა, რომ შეიძლებოდა აია სოფიაზე გრანდიოზული ნაგებობის აშენება. თუმცა, ეს ვერ შეძლეს მუსლიმმა არქიტექტორებმა და დღეს აია სოფია და სულთან აჰმედის მეჩეთი ოქსიმორონულ სანახაობას ქმნის. ისინი ასახავენ სტამბოლის ისტორიულ პროცესებს და ისტორიას თვალწინ აცოცხლებენ.
აია სოფიას ტაძარი კონსტანტინოპოლის აღების შემდეგ გადაკეთდა მეჩეთად. მე-20 საუკუნიდან კი იგი ოფიციალური რელიგიური კერაა მუსლიმებისათვის. აია სოფია სტამბოლის ერთ-ერთ გამორჩეულ ღირსშესანიშნაობად ითვლება. თურქეთში მოგზაურობის დროს მისი ნახვა არ უნდა გამოგრჩეთ. ამ სტატიაში ჩვენ გაგაცნობთ მნიშვნელოვან ინფორმაციას აია სოფიას შესახებ, რათა აქ ვიზიტის დაგეგმვა გაგიმარტივოთ.
