საქართველოს ავიაბაზარზე 2024 წელს, ყველაზე მეტი მგზავრი, დაბალბიუჯეტურმა ავიაკომპანია Wizz Air -მა გადაიყვანა. საქართველოს აეროპორტების გაერთიანების მონაცემებით, მგზავრთა რაოდენობით მეორე ადგილი თურქულმა ავიაკომპანია Turkish Airlines -მა დაიკავა, ხოლო მესამე პოზიციაზე კი ქართული ავიაკომპანია Georgian Airways -ი დგას.
საქართველოს ავიაბაზარის TOP-5 მოთამაშე 2024 წლის მონაცემებით :
- Wizz Air
- Turkish Airlines
- Georgian Airways
- Pegasus Airlines
- Azerbaijan Airlines
2024 წელი საქართველოს აეროპორტებისთვის რეკორდული აღმოჩნდა როგორც მგზავრთნაკადის, ისე რეისების რაოდენობის მხრივ. საქართველოს აეროპორტების გაერთიანების (UAG) გენერალური დირექტორის, ირაკლი ქარქაშაძის თქმით, გასული წელი ისტორიულად მნიშვნელოვანი იყო: ქვეყნის აეროპორტები საერთო ჯამში 7,425,399 მგზავრსა და 31,937 რეისს მოემსახურეს. 2023 წელთან შედარებით, მგზავრთნაკადი 24%-ით გაიზარდა, ხოლო რეისების რაოდენობა – 25%-ით. 2023 წელს ეს მაჩვენებლები შეადგენდა 5,986,754 მგზავრსა და 25,607 რეისს.
პირდაპირი ფრენები თბილისიდან
| Destination | Departure at | Return at | Airline | Find tickets |
|---|---|---|---|---|
| Adler/Sochi | 31 December 2026 | 10 January 2027 |  | ავიაბილეთები 293 -დან |
| Almaty | 8 September 2026 | 9 September 2026 |  | ავიაბილეთები 1 117 -დან |
| Amsterdam | 22 October 2026 | 25 October 2026 |  | ავიაბილეთები 1 053 -დან |
| Ankara | 17 October 2026 | 22 October 2026 |  | ავიაბილეთები 345 -დან |
| Athens | 19 November 2026 | 22 November 2026 |  | ავიაბილეთები 382 -დან |
თბილისის საერთაშორისო აეროპორტი 2024 წელს 4,750,830 მგზავრს და 22,715 რეისს მოემსახურა, რაც რეკორდული მაჩვენებელია. წინა წელთან შედარებით, მგზავრთნაკადი 29%-ით, ხოლო რეისების რაოდენობა 30%-ით გაიზარდა (2023 წელი – 3,693,942 მგზავრი და 17,456 რეისი).
ქუთაისის საერთაშორისო აეროპორტი 2024 წელს თავისი არსებობის განმავლობაში ყველაზე მეტ მგზავრსა და რეისს მოემსახურა – 1,722,809 მგზავრსა და 5,078 რეისს. ეს მაჩვენებლები წინა წელთან შედარებით მგზავრთნაკადში 3%-ით, ხოლო რეისების რაოდენობაში 1%-ით გაუმჯობესდა (2023 წელი – 1,671,306 მგზავრი და 5,041 რეისი).
ბათუმის საერთაშორისო აეროპორტი -მაც ასევე, 2024 წელს ისტორიული მაქსიმუმი დააფიქსირა: 951,760 მგზავრსა და 4,144 რეისს მოემსახურა. წინა წელთან შედარებით, მგზავრთნაკადი 53%-ით, ხოლო რეისების რაოდენობა 33%-ით გაიზარდა (2023 წელი – 621,506 მგზავრი და 3,110 რეისი).
დაგეგმეთ მოგზაურობა Avia.ge-სთან ერთად და შეიძინე ავიაბილეთები ყველაზე იაფად. დაგვირეკეთ: 551 907 907
