პოლონეთის საჰაერო ნავიგაციის სერვისების სააგენტო (PAŻP) ამჟამად აწარმოებს მოლაპარაკებებს ავიაკომპანიებთან საჰაერო მოძრაობის კონტროლის სერვისების ახალი ტარიფების შესახებ, რომლებიც ძალაში შევა 2025-2029 წლებში. მოსალოდნელია, რომ ეს ახალი ტარიფები მნიშვნელოვნად გადააჭარბებს ამჟამინდელ მაჩვენებლებს, რაც ავიაბილეთების ფასების ზრდას გამოიწვევს.
ავიაკომპანიები არ უარყოფენ, რომ გაზრდილი ხარჯები პირდაპირ აისახება ბილეთების ფასებზე. ოფიციალურად ტარიფების გამოცხადება და დამტკიცება ნოემბერში მოხდება, ხოლო მათი ამოქმედება 2025 წლის 1 იანვრიდან იგეგმება.
PAŻP-ის კომუნიკაციების დეპარტამენტის ხელმძღვანელმა მარსინ ჰადაჯმა აღნიშნა, რომ ტარიფების ზრდა გამოწვეულია რამდენიმე ფაქტორით, მათ შორისაა ინფლაციის ზემოქმედება და ახალი საინვესტიციო საჭიროებები.
ქუთაისი ვარშავა
| გამგზავრება | დაბრუნება | ავიაკომპანია | ბილეთების პოვნა |
|---|---|---|---|
| 16 ოქტომბერი 2024 | 22 ოქტომბერი 2024 |  | ავიაბილეთები 586 -დან |
| 5 ნოემბერი 2024 | 13 ნოემბერი 2024 | | ავიაბილეთები 370 -დან |
გამოცემა Rzeczpospolita-ს გათვლებით, ტარიფების ზრდა სერიოზულ ხარჯების ზრდას ნიშნავს ისეთი დაბალბიუჯეტიანი ავიაკომპანიებისთვის, როგორიცაა Ryanair, რომელსაც პოლონეთის საჰაერო მოძრაობის 33.65% უკავია. კომპანიის ხარჯები ამჟამინდელი 210.7 მილიონი ზლოტიდან 353 მილიონ ზლოტამდე გაიზრდება, რაც, თავის მხრივ, ბილეთების ფასებზე აისახება.
WizzAir -ის ხარჯები 152.1 მილიონი ზლოტიდან 254.8 მილიონამდე გაიზრდება, ხოლო LOT -ისთვის – 108 მილიონიდან 181.9 მილიონამდე. Lufthansa -სთვის ხარჯები 26 მილიონი ზლოტიდან 43.6 მილიონამდე მოიმატებს. ასევე, პოლონეთის უმსხვილესი ჩარტერული ავიაკომპანია Enter Air -ის ხარჯები 27.7 მილიონი ზლოტიდან 43.6 მილიონ ზლოტამდე გაიზრდება.
დაჯავშნე ავიაბილეთები ყველაზე იაფად Avia.ge -ზე. დაგვიკავშირდი ნომერზე: 551 907 907
