საქართველოს აეროპორტების გაერთიანების გენერალური დირექტორი, ირაკლი ქარქაშაძე აცხადებს, რომ ქართული ავიაცია უპრეცედენტოდ წარმატებულ ეტაპს გადის. აღნიშნული განცხადება მან აეროპორტებში მიმდინარე ინფრასტრუქტურული პროექტების შესახებ საუბრისას გააკეთა.
მან აღნიშნა, რომ ქუთაისის აეროპორტი -ს მცირე სატვირთო ტერმინალის მშენებლობას, აეროპორტების გაერთიანება თვითონ ახორციელებს, ხოლო კომპლექსური ლოგისტიკური ცენტრის შექმნასთან დაკავშირებით კერძო სექტორთან მოლაპარაკებები მიმდინარეობს.
პირდაპირი ფრენები ქუთაისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| ალმაატა | 20 აგვისტო 2025 | 30 აგვისტო 2025 |  | ავიაბილეთები 654 -დან |
| ათენი | 26 სექტემბერი 2025 | 28 სექტემბერი 2025 |  | ავიაბილეთები 364 -დან |
| აბუ დაბი | 22 ივლისი 2025 | 23 ივლისი 2025 |  | ავიაბილეთები 299 -დან |
| ბარსელონა | 27 ოქტომბერი 2025 | 7 ნოემბერი 2025 | | ავიაბილეთები 716 -დან |
| ბერლინი | 20 ივლისი 2025 | 23 ივლისი 2025 | | ავიაბილეთები 1 074 -დან |
| ბრიუსელი | 2 ოქტომბერი 2025 | 5 ოქტომბერი 2025 | | ავიაბილეთები 492 -დან |
„ ქუთაისის საერთაშორისო აეროპორტში ახალი ასაფრენ-დასაფრენი ზოლის პროექტი უკვე აქტიურად მიმდინარეობს და მასზე ტენდერია გამოცხადებული. რაც შეეხება სატვირთო ტერმინალს, აეროპორტების გაერთიანება თავად აშენებს მცირე ზომის სატვირთო ტერმინალს, რომელიც საშუალებას მისცემს ქუთაისის აეროპორტს ტვირთების გადაზიდვებშიც ჩაერთოს. კომპლექსური ლოგისტიკური ცენტრი კი კერძო სექტორთან თანამშრომლობის შედეგად შეიქმნება.
პერიოდულად ვხედავთ ინტერესს ქუთაისის აეროპორტის მიმართ სხვადასხვა მიმართულებებიდან. 2024 წლის აპრილში ჩვენ შევასრულეთ გენერალური გეგმა, რომელიც მოიცავს იმ ლოკაციებს, სადაც სხვადასხვა ზომის სატვირთო და ტექნიკური მომსახურების ობიექტები განთავსდება. ჩვენ ღია ვართ მოლაპარაკებებისთვის ნებისმიერი ინვესტორისთვის. ქუთაისის აეროპორტი სტაბილურად ვითარდება. ამ ეტაპზე ქართულ ავიაციას უპრეცედენტო წარმატებები აქვს. არ მახსენდება დრო, როდესაც ერთდროულად ოთხი აეროპორტი – ქუთაისის, თელავის, თბილისის ახალი აეროპორტი და მესტიის აეროპორტი – ასეთი მასშტაბური მშენებლობის პროცესში ყოფილიყო“, – განაცხადა ირაკლი ქარქაშაძემ.
შეიძინე ავიაბილეთები ყველაზე იაფად Avia.ge -ზე. დაგვიკავშირდი ნომერზე: 551 907 907
