საქართველოს მთავრობის გადაწყვეტილებით, თბილისში ახალი საერთაშორისო აეროპორტი აშენდება – პროექტის განხორციელება 2024 წლიდან დაიწყება. პირველი ტექნიკური კვლევა უკვე დაწყებულია, რომელსაც მსოფლიოში ერთ-ერთი საუკეთესო საავიაციო-საკონსულტაციო კომპანია ასრულებს.
ქუთაისის საერთაშორისო აეროპორტში კი 3.5 კმ. სიგრძის, ფართო ასაფრენ-დასაფრენი ზოლი აშენდება. რაც აეროპორტს შესაძლებლობას მისცემს მოემსახუროს ნებისმიერი ზომის საჰაერო ხომალდს, შექმნას მეტი ავიარეისის მიღების შესაძლებლობა და შეზღუდვების გარეშე უზრუნველყოს სატვირთო საჰაერო ხომალდების ოპერირება. პროექტზე მუშაობის დასრულება განსაზღვრულია 2023 წლის დეკემბერში, რის შემდეგაც დაიწყება სამშენებლო სამუშაოები.
ფრენები ქუთაისიდან
| დანიშნულების ადგილი | გამგზავრება | დაბრუნება | ბილეთების პოვნა |
|---|---|---|---|
| აბუ დაბი | 17 ოქტომბერი 2024 | 19 ოქტომბერი 2024 | ავიაბილეთები 247 -დან |
| ფრანკფურტი | 13 ოქტომბერი 2024 | 17 ოქტომბერი 2024 | ავიაბილეთები 278 -დან |
| კოპენჰაგენი | 13 სექტემბერი 2024 | 16 სექტემბერი 2024 | ავიაბილეთები 288 -დან |
| ლარნაკა | 20 ოქტომბერი 2024 | 23 ოქტომბერი 2024 | ავიაბილეთები 293 -დან |
| ათენი | 1 ოქტომბერი 2024 | 6 ოქტომბერი 2024 | ავიაბილეთები 313 -დან |
სიახლეა ისიც, რომ თელავში ახალი სამგზავრო ტერმინალის მშენებლობა იწყება, რომელიც ოთხივე სეზონის განმავლობაში წელიწადში 50 000-მდე მგზავრს მოემსახურება. მთლიანად განახლდება და 1700 მეტრამდე დაგრძელდება ასაფრენ-დასაფრენი ზოლი, აშენდება ახალი სანავიგაციო კოშკურა და მოეწყობა თანამედროვე სანავიგაციო სისტემები, სრულად განახლდება აეროპორტის შიდა და გარე ინფრასტრუქტურა, ასევე მოეწყობა მგზავრებისთვის კომფორტული სივრცეები და ახალი საპარკინგე ადგილები. თელავის აეროპორტი მგზავრებს, სავარაუდოდ, 2024 წელს უმასპინძლებს.
