თბილისის საერთაშორისო აეროპორტმა კიდევ ერთხელ დაადასტურა უსაფრთხოების და მომსახურების მაღალი სტანდარტები – საჰაერო ტრანსპორტის საერთაშორისო ასოციაციის (IATA) მიერ ჩატარებული რესერთიფიცირების აუდიტი წარმატებით გაიარა და საერთაშორისო აღიარება ISAGO-ს სერთიფიკატის სახით ხელახლა მოიპოვა.
ISAGO წარმოადგენს მნიშვნელოვან დასტურს იმისა, რომ აეროპორტში მიწისზედა მომსახურება სრულად შეესაბამება უსაფრთხოების საერთაშორისო ნორმებს და ხარისხის მაღალ დონეს. აღნიშნული სერთიფიკატი დადებითად მოქმედებს აეროპორტის საერთაშორისო იმიჯზე და ზრდის ავიაკომპანიების ნდობას, რაც მნიშვნელოვან როლს თამაშობს არსებული და პოტენციური ავიაგადამზიდავების მოზიდვაში.
იაფი ფრენები თბილისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| სოჭი | 23 დეკემბერი 2025 | 13 იანვარი 2026 |  | ავიაბილეთები 219 -დან |
| ალმაატა | 21 იანვარი 2026 | 25 იანვარი 2026 |  | ავიაბილეთები 964 -დან |
| ამსტერდამი | 18 თებერვალი 2026 | 25 თებერვალი 2026 |  | ავიაბილეთები 658 -დან |
| ანკარა | 12 იანვარი 2026 | 12 იანვარი 2026 |  | ავიაბილეთები 445 -დან |
| ათენი | 29 იანვარი 2026 | 4 თებერვალი 2026 |  | ავიაბილეთები 479 -დან |
| აბუ დაბი | 2 მარტი 2026 | 9 მარტი 2026 |  | ავიაბილეთები 788 -დან |
თბილისის აეროპორტი ამ აღიარებას მანამდეც ფლობდა, თუმცა მიმდინარე რევიზიის წარმატებით დასრულების შემდეგ მისი მოქმედების ვადა განახლდა. ახალი სერთიფიკატი 2025 წლის ოქტომბერში გადაეცემა აეროპორტის მმართველ კომპანიას – ტავ ჯორჯიას, და ორი წლის ვადით იმოქმედებს.
ტავ ჯორჯია უკვე ორი ათწლეულია, რაც საქართველოში ოპერირებს და მართავს როგორც თბილისის, ისე ბათუმის საერთაშორისო აეროპორტებს. კომპანიის მთავარი პრიორიტეტი მგზავრებისთვის მაღალი ხარისხის და უსაფრთხო მომსახურების შეთავაზებაა. ISAGO-ს სერთიფიკატი სწორედ ამ მისიის ერთ-ერთი უმნიშვნელოვანესი დასტურია.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
