” ტავ ჯორჯია “, რომელიც თბილისის და ბათუმის საერთაშორისო აეროპორტებს მართავს, აგრძელებს მნიშვნელოვანი ინვესტიციების განხორციელებას ამ ობიექტების ინფრასტრუქტურის მოდერნიზაციის მიმართულებით. 2025 წელს ბათუმის აეროპორტში დაგეგმილია რამდენიმე მასშტაბური პროექტი, რომელთა ნაწილი უკვე დაწყებულია, ხოლო დანარჩენზე სამუშაოები უახლოეს მომავალში დაიწყება. წელს, მხოლოდ ინფრასტრუქტურის განვითარებისთვის, მათ შორის IT სისტემებისა და საოპერაციო ტექნიკის განახლებისთვის, კომპანიის მიერ გამოყოფილია 12.5 მილიონი ლარი.
ტავ ჯორჯია -ს ტექნიკური მენეჯერის, ალუდა ცაბაურის თქმით, დაგეგმილია როგორც აეროდრომის, ისე ტერმინალის განახლება. მგზავრთა მზარდი რაოდენობის გათვალისწინებით, კომპანიის მიზანია, ინფრასტრუქტურა სრულად პასუხობდეს თანამედროვე მოთხოვნებს და მომსახურების მაღალი ხარისხი შეინარჩუნოს.
კომპანიის განცხადებით, პირველი პროექტის ფარგლებში, 2025 წლის შემოდგომისთვის დასრულდება მგზავრების დახვედრის სივრცის გაფართოება და ახალი შენობის მშენებლობა, რომელიც გაუმჯობესებულ პირობებს შესთავაზებს როგორც მგზავრებს, ისე საოფისე და კომერციულ დანიშნულებას. იგეგმება ასევე პასპორტის კონტროლის ზონის გაფართოება და ტერმინალის წინა ნაწილის მოდერნიზაცია.
ფრენები ბათუმიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| სოჭი | 29 დეკემბერი 2026 | 8 იანვარი 2027 |  | ავიაბილეთები 113 -დან |
| ბაქო | 16 ოქტომბერი 2026 | 19 ოქტომბერი 2026 |  | ავიაბილეთები 672 -დან |
| ჩელიაბინსკი | 11 ოქტომბერი 2026 | 12 ოქტომბერი 2026 | | ავიაბილეთები 1 110 -დან |
| ერევანი | 2 ნოემბერი 2026 | 16 ნოემბერი 2026 |  | ავიაბილეთები 261 -დან |
| ნიჟნი ნოვგოროდი | 12 ოქტომბერი 2026 | 19 ოქტომბერი 2026 | | ავიაბილეთები 821 -დან |
| სტამბოლი | 29 დეკემბერი 2026 | 17 თებერვალი 2027 |  | ავიაბილეთები 380 -დან |
| კრასნოდარი | 12 ნოემბერი 2026 | 13 ნოემბერი 2026 | | ავიაბილეთები 410 -დან |
| კაზანი | 27 დეკემბერი 2026 | 9 იანვარი 2027 | | ავიაბილეთები 440 -დან |
| სანკტ პეტერბურგი | 30 დეკემბერი 2026 | 9 იანვარი 2027 | | ავიაბილეთები 988 -დან |
| მოსკოვი | 25 დეკემბერი 2026 | 7 იანვარი 2027 | | ავიაბილეთები 513 -დან |
გარდა ამისა, დაგეგმილია ბათუმის აეროპორტი -ს აეროდრომის ტერიტორიაზე თვითმფრინავების სადგომის გაფართოება 8200 მ²-ით და დაზიანებული საფარის რეაბილიტაცია 14 000 მ² ფართობზე. ამით აეროპორტს საშუალება ექნება ერთდროულად მოემსახუროს 9 საშუალო ზომის თვითმფრინავს (ICAO: C კოდი) და ერთ ვერტმფრენს.
ასევე, იგეგმება ასაფრენ-დასაფრენი ბილიკის სარემონტო სამუშაოები კრიტიკულ ზონებში 45 000 მ²-ზე. მგზავრთა რაოდენობის მკვეთრი ზრდა, რომელიც შესამჩნევად აღემატება როგორც წინა წლის, ასევე პანდემიამდე პერიოდის მაჩვენებლებს, კომპანიას ავალდებულებს უზრუნველყოს აეროპორტის გამტარუნარიანობის გაუმჯობესება.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
