ქართული ავიაკომპანია Georgian Airways თბილისი -დან გერმანიის მიმართულებით, EURO-2024 -ზე ეროვნული ნაკრების თამაშებზე დასწრების მსურველებისთვის, სპეციალურ პირდაპირ რეისებს შეასრულებს.
„ ჯეორჯიან ეარვეისი კიდევ ერთხელ ულოცავს საქართველოს ეროვნულ ნაკრებს და მის გულშემატკივრებს ისტორიულ გამარჯვებას! ავიაკომპანია სპეციალურ პირდაპირ ავიამიმოსვლას შეასრულებს თბილისიდან გერმანიის იმ ქალაქების მიმართულებით, სადაც გაიმართება საქართველოს საფეხბურთო ეროვნული ნაკრების თამაშები ევროპის ჩემპიონატზე “, – აცხადებენ ავიაკომპანიაში.
შეიძინე ავიაბილეთები ფიქსირებულ ფასად დორტმუნდის მიმართულებით. დაგვირეკეთ 551 907 907 და ისარგებლე ექსკლუზიური შეთავაზებით .
სპეციალური პირდაპირი ფრენები განხორციელდება:
- თბილისი დორტმუნდი – 17 ივნისს, დორტმუნდი თბილისი – 19 ივნისს.
- თბილისი ჰამბურგი – 21 ივნისს, ჰამბურგი თბილისი – 23 ივნისს.
- თბილი დიუსელდორფი – 25 ივნისს, დიუსელდორფი თბილისი – 27 ივნისს.
Georgian Airways -ში განმარტავენ, რომ მგზავრებისთვის პირდაპირი ფრენები შესრულდება მატჩებზე დასასწრებად კომფორტულ დროს. ავიაბილეთების გაყიდვა დაიწყება 1 აპრილიდან, ავიაკომპანიის ვებ-საიტზე, გაყიდვების ოფისებსა და პარტნიორ სააგენტოებში.
