სტოკჰოლმის სამეფო სასახლე არის შვედეთის მონარქების ოფიციალური რეზიდენცია. შენობა გამოიყენება მეფის მიერ, როცა იგი ასრულებს თავის სამეფო ფუნქციებს. სასახლეს 1400-ზე მეტი ოთახი აქვს, აქედან 600-ს აქვს ფანჯრები ულამაზესი ხედებით. ოთახები განკუთვნილია სამეფო ოჯახის წევრებისათვის, შეხვედრებისა ცერემონიალებისათვის. შენობაში მდებარეობს სამეფო სამლოცველოც, სახელმწიფო ხაზინაც, სამეფო რეგალიებიცა და სხვა შვედეთის ისტორიისათვის მნიშვნელოვანი კულტურული მახასიათებლები. სასახლე 3 მუზეუმსაც იტევს – ამიტომ, აქ ვიზიტი იქნება შვედეთის ისტორიის, სამეფო დიდებულების, პოლიტიკისა და სამეფო ისტორიების გაცნობის კარგი საშუალება.
სასახლე შეგიძლიათ ტურების დროს დაათვალიეროთ გარედან, ან წინასწარ დაჯავშნოთ ბილეთები შიგნით შესასვლელად. აქაურობა იმედებს ნამდვილად არ გაგიცრუებთ, არც კრუიზიდან და არც გიდის თანხლებით, ახლოს მონახულებისას. ამ ბლოგში შემოგთავაზებთ სამეფო სასახლის შესახებ ტექნიკური სახის ინფორმაციას, შეგეძლებათ ონლაინ შეიძინოთ ბილეთები ვიზიტისათვის.
