მადრიდი მუზეუმების ქალაქია. აქაურობის სამი მთავარი მუზეუმია პრადოს, რეინა სოფიასა და ტისენის მუზეუმები. ისინი ხელოვნების მოედანზე მდებარეობს ერთმანეთთან საკმაოდ ახლოს, თუმცა თითოეული მათგანის მონახულებას დიდი დრო სჭირდება, რადგან აქ მსოფლიო დონის ნამუშევრები დაგხვდებათ. ამ ბლოგში შემოგთავაზებთ რეინა სოფიას მუზეუმზე მნიშვნელოვან ინფორმაციას.
რეინა სოფიას მუზეუმი საბოლოოდ მე-20 საუკუნეში გაიხსნა და ესპანეთის დედოფალი სოფიას სახელს ატარებს. მუზეუმში ისეთი ცნობილი მხატვრების ნამუშევრებს შეხვდებით, როგორებიც არიან პიკასო, სალვადორ დალი, ხუან გრისი. ყველაზე ცნობილი ნამუშევარი პიკასოს გერნიკაა, რომელიც ესპანეთის სამოქალაქო ომის ულუსტრაციაა. ფაქტობრივად, გერნიკა ამ მუზეუმის სიამაყეა. რეინა სოფია ძირითადად თანამედროვე ხელოვნების ნიმუშების გამოფენის ადგილია. აქაურობა ხელოვნების სამყაროში გამოგზაურებთ და თავბრუდამხვევი შთაბეჭდილებებით მოგნუსხავთ.
