ნობელის მუზეუმი სტოკჰოლმის ცენტრში, ძველი ქალაქის ტერიტორიაზე მდებარეობს. მუზეუმი სტოკჰოლმში 2001 წელს გაიხსნა, ნობელის პრიზის 100 წლის თავზე. აქ დიდ ინფორმაციას გაიგებთ თავად ნობელის პრიზზე, ალფრედ ნობელსა და ნობელიანტებზე. მუზეუმში ინახება 42 ნობელიანტის პორტრეტი და მათი სკეტჩები. სამეცნიერო აღმოჩენების აღწერები ავტორების პორტრეტების გვერდზე კიდია, ამიტომ სრულყოფილად შეძლებთ სამეცნიერო სამყაროში მოგზაურობას. მუზეუმი ინტერაქციულია, აქ ნახავთ მოკლემეტრაჟიან ფილმს ნობელის პრემიის 900 ლაურეანტის შესახებ.
თუ ორიგინალური გამოცდილების მიღება გსურთ და მეცნიერება და ხელოვნება გაინტერესებთ, ნობელის მუზეუმში ვიზიტი თქვენთვის ზედგამოჭრილი იქნება. ამ ბლოგში კი შემოგთავაზებთ ნობელის მუზეუმის შესახებ ტექნიკური ხასიათის ინფორმაციას. შეგეძლებათ ბილეთების წინასწარ დაჯავშნაც.
