გუელის პარკი ბარსელონას ერთ-ერთი ყველაზე ცნობილი ღირსშესანიშნაობაა. იგი ეუსები გუელის დაკვეთით დააპროექტა ანტონიო გაუდიმ, ცნობილმა არქიტექტორმა. აქ მდებარეობს გაუდის სახლიცა და მუზეუმიც. გუელის პარკი ნამდვილ ზღაპარს გავს, აქ ბაღებისა და პარკის თანწყობა ერთმანეთს საოცრად ეხამება. განსაკუთრებით, ბავშვებთან ერთად თუ აპირებთ მოგზაურობას, ეს პარკი თქვენსა და მათ გულს აუცილებლად მოიგებს. თანაც, პარკიდან ბარსელონას ულამაზესი ხედები იშლება.
გუელის პარკს კარგად ეტყობა გაუდის ხელი, იგი ფერადი და გამორჩეული არქიტექტურისაა. თუ გსურთ, დაუვიწყარი გამოცდილება მიიღოთ, გახსოვდეთ, პარკი ნამდვილად არ ჩამოუვარდება დისნეილენდს. ამ ბლოგში კი ნახავთ საჭირო ინფორმაციას გუელის პარკში ვიზიტისათვის. შემოგთავაზებთ ტექნიკური სახის ინფორმაციას, რათა თქვენი ბარსელონაში მოგზაურობა უფრო მარტივი და მრავალფეროვანი გავხადოთ.
