მილანის დუომოს საკათედრო ტაძარი ქალაქის ყველაზე ცნობილი ღირსშესანიშნაობაა. იგი მსოფლიოში სიდიდით მეხუთე ტაძარია. მის მშენებლობას 6 საუკუნე დასჭირდა, პროცესი მე-14-დან მე-19 საუკუნის ჩათვლით მიმდინარეობდა. გულწრფელად უნდა ითქვას, რომ ტაძრის ნახვისთანავე ამ დროითი მასშტაბის გრანდიოზულობა არ გაგიკვირდებათ, რადგან იგი უბრალოდ ბრწყინვალეა და ყველა დეტალი თავის სიმბოლურ დატვირთვას ატარებს.
იმის გამო, რომ ტაძარი ამდენხანს შენდებოდა და სხვადასხვა სახელოვნებო პერიოდები გამოიარა, მისი არქიტექტურა კომპლექსურია – ნახავთ რომანტიზმის, გოთიკურ და სხვა არქიტექტურული სტილების დეტალებს. დუომოს ფასადი, გრანდიოზული სვეტების კოლონადა და მბზინვარე ექსტერიერი ნებისმიერ მნახველს გააოცებს. ტაძარი ცნობილია მონუმენტების კოლექციითაც, აქ 4000-მდე ქანდაკებას ნახავთ. ერთი მხრივ ისინი თუ გამოსახავენ წმინდანებს, მეორე მხრივ აქ ნახავთ ცხოველების ქანდაკებებს. ძნელად წარმოსადგენია ისიც, რომ მილანის საკათედრო ტაძარში თავისუფლების ქანდაკების აბსოლუტურად იდენტურ ქანდაკებასაც იხილავთ.
