კოპენჰაგენის მერიის კოშკი ქალაქის ერთ-ერთი ყველაზე შთამბეჭდავი ნაგებობაა და საუკეთესო წერტილია ქალაქის პანორამული ხედების სანახავად.
შენობა 1905 წელს აშენდა არქიტექტორ მარტინ ნიუროპის პროექტით, ნაციონალური რომანტიზმის სტილში. კოშკის სიმაღლე 105.6 მეტრია, რაც მას კოპენჰაგენის ერთ-ერთ ყველაზე მაღალ ნაგებობად აქცევს. აღსანიშნავია, რომ კოშკს ლიფტი არ აქვს და მის წვერზე მოსახვედრად 300 საფეხურის ავლაა საჭირო. ამასთანავე, გზა საკმაოდ ვიწროა, თუმცა მისი მწვერვალიდან გადაშლილი ხედების სანახავად ეს ძალისხმევა ნამდვილად ღირს. კოშკიდან ხელის გულივით ჩანს ტივოლის ბაღები, სტროგეტი (ქალაქის მთავარი საფეხმავლო ქუჩა) და 360 გრადუსიანი ხედი მთელს ქალაქზე.
კოშკში ასვლამდე ან ჩამოსვლის შემდეგ აუცილებლად უნდა ნახოთ მერიის შენობაში არსებული იენს ოლსენის მსოფლიო საათი. ეს არის წარმოუდგენლად რთული მექანიზმი, რომელიც არა მხოლოდ დროს, არამედ პლანეტების განლაგებას, მზისა და მთვარის დაბნელებებს და ვარსკვლავურ ცას აჩვენებს. ის მსოფლიოში ერთ-ერთ ყველაზე ზუსტ მექანიკურ საათად ითვლება.
