რომის კოლიზეუმი მთელს მსოფლიოში სახელგანთქმული შენობაა. ამის ძალიან ბევრი მიზეზი არსებობს. პირველ რიგში, იგი ანტიკური დროის არტეფაქტია და ბევრს გვიყვება ძველ დროზე. ამასთან, მისი არქიტექტურული სტილი მომნუსხველია და ტურისტებს თავისი გამორჩეულობით იზიდავს. მოდერნისტულ ეპოქაში მსგავსი შენობის ნახვა ფაქტობრივად დროში მოგზაურობის ტოლფასია. რომის კოლიზეუმამდე ფეხით სეირნობა კი რომაულ თავგადასავალს უნებლიედ დაგაგეგმინებთ.
კოლიზეუმი ახალი წელთაღრიცხვის დასაწყისში აშენდა რომის იმპერატორი ვესპასიანეს მმართველობის დროს. სხვათა შორის, მას ქართლის მეფეებთან კარგი ურთიერთობა ჰქონდა. ძველი დროიდან მოყოლებული კოლიზეუმს უამრავი ქართველი – იქნებიან ეს მეფეები თუ უბრალო მოსახლეობა – ხშირად სტუმრობს.
კოლიზეუმი წარმოადგენდა გლადიატორთა შერკინების ადგილს. აქ იმართებოდა სხვადასხვა ტიპის სანახაობები და შეჯიბრებები. კოლიზეუმი ბევრი გლადიატორის ტრაგიკულ ისტორიას ინახავს. თუმცა, დღეს მისი ფუნქცია რადიკალურად შეცვლილია და ლამაზ, გამორჩეულ შენობად, ტურისტულ ღირსშესანიშნაობად ითვლება.
კოლიზეუმი ბერძნული არქიტექტურული სტილითაა აგებული. იგი მსოფლიოში ყველაზე დიდი ამფითეატრია. დღისითა თუ ღამით შეუძლებელია ეს შენობა თვალში არ მოგხვდეთ. დღისით მის ფანჯრებში გამავალი მზის სხივები, ღამით კი ბრწყინვალე განათებები ნებისმიერ გამვლელს მოჭრის თვალს. ამ სტატიაში ჩვენ გაგაცნობთ კოლიზეუმში ვიზიტისათვის სასარგებლო ინფორმაციას. თუ რომში მოგზაურობას აპირებთ, გამოგვყევით, რათა ერთად დავგეგმოთ თქვენთვის რომაული არდადეგები.
