ბერნაბეუს სტადიონი მადრიდის ერთ-ერთი ყველაზე ცნობილი ღირსშესანიშნაობაა. სტადიონი ზუსტად ქალაქის შუაგულში მდებარეობს. გარდა თავისი ფუნქციური მნიშვნელობისა და სპორტულ სამყაროში ღირებულებისა, სტადიონს არქიტექტურული და ესთეტიკური დანიშნულებაც აქვს. იგი მე-20 საუკუნის ინოვაციური სტადიონია, რომელიც 78 000-ზე მეტ ვიზიტორს მასპინძლობს. ბერნაბეუ გუნდი რეალ მადრიდის სამშობლოა. შესაბამისად, გუნდის ქომაგები მსოფლიოს სხვადასხვა ქალაქიდან მადრიდს სწორედ ამ სტადიონის სანახავად სტუმრობენ. სტადიონის სახელიც სიმბოლურია, იგი ეძღვნება რეალ მადრიდის ფეხბურთელისა და გუნდის პრეზიდენტის, სანტიაგო ბერნაბეუს ხსოვნას.
ბერნაბეუს სტადიონი მსოფლიო მნიშვნელობის თამაშების მასპინძელია. მან რამდენჯერმე უმასპინძლა ჩემპიონთა ლიგასაც. სტადიონთან ნახავთ რეალ მადრიდის მუზეუმსაც. აქ გუნდის განვითარების მთელი ისტორია ფოტოებსა და სამახსოვრო ნივთებშია გამოსახული. მათთვისაც კი, ვინც ფეხბურთის ქომაგი არაა, ბერნაბეუს სტადიონი და მისი შემოგარენი დიდად მოსაწონი იქნება. ამ ბლოგში კი შემოგთავაზებთ სტადიონში სტუმრობისათვის საჭირო ტექნიკურ დეტალებს.
