ბელენის ციხესიმაგრე ლისაბონის ერთ-ერთი ცნობილი ღირსშესანიშნაობაა, მეტიც, იგი ქალაქის სიმბოლოდაა მიჩნეული. ბელემის ციხესიმაგრე აიგო მე-16 საუკუნეში, პორტუგალიის ოქროს ხანაში, როცა იგი დიდი გეოგრაფიული აღმოჩენების მოწინავე სახელმწიფო იყო. გარდა იმისა, რომ კოშკი კულტურული ძეგლია და ისტორიულად ქალაქის “ჭიშკარსა” და საფორტიფიკაციო ნაგებობას წარმოადგენდა, სიმბოლურად იგი სწორედ დიდ გეოგრაფიულ აღმოჩენებში პორტუგალიის ლიდერობას ეძღვნება.
ბელემის ციხესიმაგრე თავისი გრანდიოზულობით, დიდი ისტორიული მნიშვნელობითა და რენესანსის დროინდელი არქიტექტურით იზიდავს მნახველებს. ამ ბლოგში სწორედ ამ ღირსშესანიშნაობის შესახებ მოგიყვებით. გაგაცნობთ ტექნიკურ დეტალებს, თუ როგორ დაჯავშნოთ ბილეთები წინასწარ ბელემის ციხესიმაგრეში ვიზიტისათვის.
