ატომიუმი ბრიუსელის სიმბოლოდ ითვლება. იგი რკინის ატომის 165-ჯერ გაზრდილი ალუმინის ვერსიაა. თავიდან, მე-20 საუკუნის შუახანებში, ატომიუმი აიგო მეცნიერების მსოფლიო გამოფენისათვის, თუმცა ისევე როგორც ეიფელის კოშკი საფრანგეთში, ატომიუმიც ნელ-ნელა ბელგიის სიმბოლოდ იქცა. დღეს ბრიუსელი წარმოუდგენელია ატომიუმის გარეშე. მისი განსხვავებული არქიტექტურული სტილი სხვადასხვა დროს მუდამ იზიდავდა და იზიდავს ტურისტებს.
ატომიუმი არის არქიტექტურული კონსტრუქტი, სადამკვირვებლო პლატფორმა, მუზეუმებისა და გამოფენების სივრცე. ერთი სიტყვით, ეს ერთი შენობა არის მთელი ბრიუსელის მრავალფეროვნების თავმომყრელი სივრცე. ატომიუმში ვიზიტი კი მთელ ბელგიაში მოგზაურობას გავს. აქედან შეგიძლიათ გადმოხედოთ მთელ ქალაქს და დატკბეთ მისი ხედებით. ბლოგში შემოგთავაზებთ ტექნიკური სახის დეტალებს ატომიუმში ვიზიტის დასაგეგმად და აქვე შეგეძლებათ ბილეთების შეძენაც.
