ათენის ეროვნული არქეოლოგიური მუზეუმი საბერძნეთის უდიდესი და მსოფლიოში უმნიშვნელოვანესი მუზეუმია. იგი ინახავს ძველი ბერძნული ხელოვნების გამორჩეულ ნიმუშებს. მუზეუმის კოლექცია მოიცავს პრეისტორიული დროიდან მოყოლებული ძველ ანტიკურ ეპოქამდე მასალას. არქეოლოგიური მუზეუმი კარგ წარმოდგენას შეგიქმნით ძველი ბერძნული ხელოვნების შესახებ.
მუზეუმს მდიდარი კოლექცია აქვს, აქ გამოფენილია დაახლოებით 11 000 ექსპონანტი. მათგან ბევრი ნამუშევარი წარმოშობით იტალიიდან, კვიპროსიდან თუ ეგვიპტიდანაა. შესაბამისად აქაურობა სტუმრობს არა მხოლოდ უშუალოდ ბერძნულ ტერიტორიაზე აღმოჩენილ მასალას, არამედ ცნობებს გვაწვდის იმის თაობაზე, თუ რა ტერიტორიაზე ვაჭრობდნენ ძველი ბერძნები, ვისთან ჰქონდათ კონტაქტი, რომელ ცივილიზაციებთან ცვლიდნენ კულტურულ თავისებურებებს და სხვა. ეს მუზეუმი უძველეს ეპოქებში გამოგზაურებთ და ბერძნულ დიდებულებაზე ბევრს მოგიყვებათ.
ასევე, აქ შეგიძლიათ ნახოთ მაღაზია, სადაც შეძლებთ სუვენირების ყიდვას საყვარელი ადამიანებისათვის, მაცივრის მაგნიტებს, უბის წიგნაკებსა თუ სამახსოვრო ნივთებს. აქვე ნახავთ სამკაულებსაც, რომელთა დამზადების ტექნიკა ინსპირირებულია ძველი ბერძნული კულტურული თავისებურებებისაგან. ამ ბლოგში კი გაგაცნობთ ათენის არქეოლოგიურ მუზეუმში ვიზიტისათვის აუცილებელ ინფორმაციას და ვეცდებით გაგიმარტივოთ მოგზაურობის პროცესი.
