ქუთაისის საერთაშორისო აეროპორტი კვლავ ინარჩუნებს საჰაერო მიმოსვლის დადებით დინამიკას. 2022 წლის ივნისის თვეში 100%-ით აღდგა მგზავრთა ნაკადი 2019 წლის ანალოგიურ პერიოდთან შედარებით.
2019 წელის ივნისში ქუთაისის დავით აღმაშენებლის სახელობის აეროპორტი 76,208 მგზავრს მოემსახურა. ხოლო 2022 წელის ივნისში კი – 76,052 მგზავრს.
ასევე დადებითი დინამიკაა ავიარეისების რაოდენობის ზრდის კუთხით. აეროპორტში რეისები ივნისის თვეში 21%-ით გაიზარდა და 298 რეისს მოემსახურა, ხოლო 2019 წლის ივნისში – 247 რეისს.
საქართველოს აეროპორტების გაერთიანების ინფორმაციით, ამჟამად, ქუთაისის აეროპორტში ოპერირებს 5 ავიაკომპანია 14 ქვეყნის 25 მიმართულებით. 1-ლი აგვისტოდან კი დაემატება პირდაპირი ფრენები პარიზისა და ტალინის მიმართულებით და არსებულ მიმართულებეზე სიხშირეები გაიზრდება.
